過度信任未必好 陳凱詠爆男友出軌

陳凱詠
陳凱詠

環球新人陳凱詠昨日現身電台宣傳新歌《想正常》,是前作《想突然》的二部曲:「新歌講關係出現摩擦,其實係可以放鬆啲退後一步,唔好刻意去諗啲問題。」自稱單身的她表示昔日拍拖會「哲學家」上身:「會諗啲冇答案嘅嘢,例如咩叫愛、點樣相處。(唔係諗男方出軌?)呢樣反而冇諗,因為好信任對方,過分相信到試過佢出軌都唔知,分手嗰刻仲覺得係自己錯,直到見到佢拖住另一個女仔出街先信,好Hurt!」

講到今次出快歌,有舞蹈底子的她可大展身手,但她表示未試過邊唱邊跳:「平時跳舞慣咗好大力,依家就要加強練習。(想做跳唱歌手?)鍾意跳舞,但唔想咁快定型。」她又指最近為ViuTV的處境喜劇《娛樂風雲》拍攝,並會為該劇唱主題曲。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能