過氣政客「吳照鏡」

星島日報

【星島日報報道】今時今日講選立法會議員,其實都幾悶蛋,亦可能會趕客。老友,究竟還有幾多有志之士熱衷政治,希望積極參與,大展身手的呢?咪自己呃自己 ,目前的生態,有乜好玩?

不過,作為前「時事評論員」,見到有 眼冤 ,小弟又覺不吐不快。尤其某 好古靈精怪政客(呢個稱呼,會否過度推舉呢?)使盡旁門左道去爭取曝光,但又死都唔認準備參選,利用其他角色扮鬼扮馬通街握手宣傳,當正選民係懵 。咁搞法,早早留下惡劣印象及形象,他朝就算「鐵票」當選,都會一世唔慌馨香啦。

一眾政治動物,最惡睇為「吳照鏡」。事實,權力不但令人腐化,更令人上癮,不能自拔,更杰,會令人失去理智及分析能力,變成唔照鏡。呢位「吳照鏡」先生,的確有過風光日子,在區內大受歡迎,又自創蚊型政黨,打入立法會,二十幾年前代表草根,有一定實力及不少支持度。

可惜,花會謝,人會殘,政客呢,做得耐議員,也會不自覺變 「老油條」,毫無性格及章法,只隨波逐流,面目初則模糊,繼而有點討厭。本來若懂得自省仍有救,最弊當全世界都知佢唔掂時,仍自我感覺良好,認為有錯就是其他人的錯,唔選我做代表,只不過是你有眼無珠!

慘咯,結果「吳照鏡」被自己蚊型政黨年輕黨員集體杯葛,再飛佢走。作為創黨主席,咁冇面,正路是自我消失於江湖,何來面目見人?

豈料,「吳照鏡」先而罔顧政治倫理,早前竟然自資出書話要爆「政壇黑幕」,真係阿水都冇興趣睇,結果銷情慘淡,怕且大部分要送去堆填區。事實上,此君已是零政治能量,但竟仍夢想有機會「東山復出」,揚言考慮參加立法會九龍西補選。 ,唔係嘛?六十幾歲,再「輸」二百幾萬元選舉經費,晚年點搞?快快照下鏡先啦。

阿碌開咪 曾智華

副刊

其他內容