【過街英雄】森美搽油爆衫睇到男同事嘩嘩聲 黃翠如讚:好性感

《過街英雄》由森美及黃翠如擔任男女主角,相信有不少人都相當期待,此劇講述由森美飾演的「唐亮星」是一名擁有異能的超人,並會使用能力查案。日前(9月1日)黃翠如出席化妝品活動時接受《香港01》訪問,她說:「宜家日日都忙緊拍《過街英雄》,佢係一個有老鼠能力嘅超人,佢有老鼠嘅聽覺同埋可以老鼠咁跑得咁快仲有速度。」眾所皆知,森美本人除了口才了得又靚仔之外,還擁有一身瘋魔萬千少女家庭主婦以及令雄性動物都羨慕的肌肉。當然,今次森美主演《過街英雄》的話亦不會吝嗇騷下肌肉益街坊。黃翠如透露:「佢騷肌肉嗰場其實已經拍咗,嗰場講佢要犧牲色相吸引啲饑渴嘅女人,所以佢就除晒衫。其實佢本身已經好大隻,但係打完燈我哋就『嘩』咗出嚟,之後仲叫佢搽埋油,好性感!佢線條好靚,但係佢話已經冇操㗎啦。因為嗰場係拍之前幾先臨時加,佢唔使keep仍然仲有呢個身型,好厲害,一除就已經好大隻啦。(有冇少少忍唔住?)冇吖,我係全程都有望住個mon,但係冇近睇囉。(布冇女同事尖叫?)男仔居多嘅,森美一除大家都喺度『嘩』,因為場戲講咗佢要除件恤衫,但係件恤衫好緊又有少少擘開咗,所以以男人嚟講係性感嘅。(好有畫面!)總之就係件衫爆開咗之後入面好多油啦。」

談到今次合作拍劇,黃翠如說:「劇內其實我係做上靶位,因為套戲講我有佢痛腳,而戲外,其實我哋好好,會傾好多唔關事嘅嘢。譬如會傾下營養嘅嘢,又或者個人點樣先至會開心,佢有傾佢之前嘅經歷,又或者傾旅行。因為我哋兩個都鍾意去旅行,我就偏向去啲特別啲嘅地方,佢就偏向去日本或是生活味道重嘅。」黃翠如更透露計劃下年拍攝旅遊節目:「有機會開個另類啲、探險嘅旅遊節目,我自己覺得拍旅遊節目要同步地有經歷同感受,呢個就係我鍾意嘅方向。」

點擊瀏覽《香港01》更多內容和圖集

你可能感興趣:
【牛下女高音】黃心穎馬國明孖住去旅行:呢三個月拍劇好辛苦
【特技人】網民批劇情離題 建議改名:特技人的感情生活

其他內容