首頁>娛樂>>

遭惡搞別問我是「垂」 王馨平巨胸惹批評 老公也鼓醋

【東方日報專訊】現年48歲的歌手王馨平前晚於無綫慈善節目一鳴驚人,中門大開騷白滑湯碗胸,睇到網友流晒鼻血!雖然為觀眾帶來驚喜,但引來網友洗版討論,有人批評節目於合家歡時段播出,如此性感打扮惹來不尊重之嫌。她事後受訪時也直言沒有為意,指老公不滿她太性感而呷醋。

王馨平(Linda)前晚為無綫慈善節目《博愛歡樂傳萬家》擔任表演嘉賓,鮮有性感的她突然「賣大包」,穿上台灣設計師好友打造的超性感晚裝亮相,中門大開毫不吝嗇騷白滑「湯腕胸」!以48歲之齡來說,Linda身形不錯兼上圍依然堅挺,果然保養有道。當獻唱經典歌曲《別問我是誰》與葉蒨文的《秋去秋來》時,唱罷俯身鞠躬的她幾乎雙峰奪衫而出,簡直令人睇到噴鼻血。

朋友睇完嗌流鼻血

演出如此好波,隨即引來網友瘋狂式洗版,有人讚Linda樣貌及身材均保養得宜,但亦有人認為節目於合家歡時段播出,如此暴露會嚇親小朋友,儼如母「乳」教學!Linda今次「粉身碎骨」演出,有人上載黎耀祥的「豬八戒」造型與其性感晚裝比較,就連音樂人梁栢堅也於社交網分享她的爆乳裝照片,竟hashtag「別問我是『垂』」來惡搞一番!

對於性感上陣引來大回響,更被指打扮不適合於合家歡時段,Linda昨日接受電話訪問時表示沒有多想:「你咁講都係嘅,我都係諗住個騷,冇為意咁多嘢!我係想尊重番個騷,想隆重啲,所以搵設計師特別設計件衫畀我。同埋件衫係有一層紗,可能電視上睇唔係好覺,我冇留意到網民反應,但好多朋友傳短訊畀我,話好正同流鼻血。(梁栢堅話《別問我是『垂』》!)社會有言論自由,每樣嘢都有人鍾意同唔鍾意,我覺得OK,但老公就話係性感咗,有少少呷醋。」

舊愛同場 陳凱琳有偈傾

Linda性感打扮令人眼前一亮,撞正與已分手十七年的舊愛鄭嘉穎及其現任女友陳凱琳(Grace)首度同台,更是整晚另一焦點所在。不過,已嫁作人婦的Linda表現得落落大方,表示過往曾於不同場合及餐應巧遇兩人,大家亦有打招呼,今次騷前見到Grace更大方握手:「Grace係一個好好嘅女仔,大家唔好以為我哋冇計偈,我已經係上一輩子嘅事情(指與嘉穎拍拖)!Grace好Nice同Sweet,我幾鍾意呢個女仔o架!」對於獲Linda連番讚美,Grace昨日接受電話訪問時高興地說:「我哋之前都有見過面,真係唔會覺得尷尬,尋(前)晚佢綵排時都有同佢傾偈,佢都好Nice,唱歌又有天分,所以成個騷都好開心。」

文:影視組

 

是日精選


全新通識內容,獨家名師筆記及懶人卡 立即下載,為DSE作最好準備!
【留言區公告】
雅虎香港歡迎並尊重用戶發表意見,不會主動審查或刪除用戶留言。

提示:請在張貼留言數分鐘後,在討論區最上方按「最新的」,便會看到討論區內所有最新留言。此外,為了防止討論區被濫用,系統不會接受同一用戶在短時間內多次留言。倘用戶未能在新聞討論區內找回自己的留言 ,可瀏覽相關的說明