選港姐後拒嫁豪門!佘詩曼唔後悔錯失結婚時機

唔知幾時有好消息呢?
唔知幾時有好消息呢?

近年北上發展嘅佘詩曼(阿佘)最近參與訪談節目《發光的姐姐》,被主持人問到當年選完港姐後點解冇嫁入豪門,而選擇進入娛樂圈,阿佘聞言後即時「嘩」咗聲,直言:「那個時候年紀那麼小…」擰晒頭咁嗌:「不想!剛剛讀完書出來就(嫁人)…好奇怪!」佢又話一直以來工作都冇停過:「所以沒想那麼多,很開心一直拍,就一直這樣(拍戲)到現在了!」

現年45歲嘅佢仲係單身,有事業冇愛情,被封為黃金盛女,講到愛情觀時,阿佘直言:「隨緣吧…反正就我想找一個有趣的靈魂!」主持人就話推薦佢參加戀愛真人騷《女兒們的戀愛》,阿佘就自爆曾經收到節目邀請,但就話自己大部分人生都呈現晒嘅觀眾眼前,所以想喺感情方面有番私隱!

至於婚姻,佢好肯定咁話:「會的,我相信我會找到的!」亦冇後悔曾經錯失結婚時機:「沒有,從來沒有,如果沒結成的話,那肯定他不是最適合我的!」