邀王梓軒合唱 鄧佩儀獲免費補習

東方日報
·1 分鐘文章
鄧佩儀與王梓軒再度合作,擦出新火花。
鄧佩儀與王梓軒再度合作,擦出新火花。

藝人鄧佩儀(Gloria)最近邀得好友兼《機場特警》拍檔王梓軒,翻唱浪漫情歌《梁山伯與茱麗葉》,借了逾萬呎的私人會所拍攝MV,期間雙雙起舞,她讚合作很有火花:「揀呢首歌時,我幻想到佢把聲應該好襯呢首歌,結果我冇錯,超好聽呀!」梓軒則透露與此曲有淵源:「其實10年前本來有機會同原唱者卓文萱合作,但當時撞咗嘢做,估唔到依家有緣可以翻唱!今次幫Gloria錄音我都有驚喜,有進步。」Gloria亦指開心獲對方指導:「喺錄音室好似上咗堂唱歌班咁,原來我把聲可以有另一個Texture!」