邊個汽車牌子司機最乞人憎 英國人話係……

19+

 

有睇facebook啲車cam群組,都知某啲揸牌子車嘅司機,

「能見度」好高。

尤其是B(定係MB?)同T牌子﹐成日俾人加個L字喺尾咁稱呼。

(例如︰BXXX L,而個L字係粗口……)

 

英國一個調查就索性開宗明義問2000個人︰

邊個汽車牌子司機最乞人憎?

 

結果有24%嘅人話,寶馬(BMW)司機手車最衰!

至於第二位,係福特貨van。

季軍就由的士奪得,係喎!香港都好多車cam片係涉及的士架。

反而上面提過嘅T牌,竟然榜上無名!而B牌就排第8,有4.1%人揀。

原post傳送門

幾年前,德國學者Decher Keltner因為差啲俾亂cut線嘅B牌車撞到,

於是就去做一個實驗,喺路上觀察司機駕駛,

紀錄司機們各種不守規則或者不合禮儀嘅行為,例如亂cut線、唔讓路俾行人等。

結果發現B牌車司機較多違規,

而品牌形象越高檔,司機越覺得自己可以唔守規矩。

研究post傳送門

所以呢,揸靚車,並唔係大晒架!手車衰,印象衰過揸錢七。

【相關搜尋】Benz惡女掌摑兇人全家

其他內容