那夜我替女兒R背脊 鄭丹瑞(上):永遠是個眼淺爸爸!

和鄭丹瑞旦哥做過兩次訪問,兩次他說起女兒都說到掉眼淚。第一次是當年女兒離港留學在即,回想起自己一個人在小巴上狠狠大哭發洩一回;第二次則是介紹我聽〈I Love You First〉,唱的是婚禮上新娘父親的心聲,音樂才剛剛響起,旦哥就摘掉眼鏡抹起眼淚。

這一次再分享爸爸經,其實大女兒鄭瑤和小女兒鄭珉早已經大學畢業,一個28歲一個26歲大個女工作好幾年,不過旦哥還是那個眼淺又快樂的24孝爸爸,說「養兒100歲、長憂99」是至理名言,自己體會最深!

image1
image1
image2
image2


人生是她的不是我的
大女兒鄭瑤大學讀英國文學,現在於時尚雜誌做潮流編輯,現正在歐洲採訪時裝周;小女兒鄭珉則讀考古,畢業以後卻在教瑜珈和鋼管舞,旦哥以過來人的身份奉勸新手父母一句,就讓孩子過自己的人生:「望子望女成龍呢啲嘢,兩個女細個我又真係冇乜點望,冇望過咁遠。做咩一定要佢哋做律師醫生跟你嗰套呢?要望不如再空泛啲,望佢哋做皇帝去英國嫁王子好未?做人父母你要記住人生係佢哋嘅,條路係佢哋自己去行,俾佢哋自己搵到自己鍾意嘅嘢就得啦!我哋做爸爸媽媽可以做嘅,就係從小教佢識得對人識得對事,喺屋企喺出邊都好,識得表逹自己識得解決問題。由細教佢對人要有禮貌,溝通唔好唔敢同人眼神接觸,只要勇於表達自己懂得同人相處,其實大個做咩行業都好,又使乜我哋去擔心?」

image3
image3
image4
image4


甚麼年代都需要書本
兩個女兒找到自己的興趣開始建立自己的事業,旦哥雖然謙虛說不是自己的功勞,不過孩子茁莊成長,還是不諱言要靠父母提供土壤和養份:「我係爸爸,最基本就係供書教學啦,俾佢睇多啲見多啲,能力範圍裡面提供最好嘅教育,同埋營造一個環境俾佢哋愛上書本。雖然話時代唔同,咩都可以上網搵到,不過我覺得時代點變科技點進步都好,你打開手機睇到嘅係資訊而已,但係書本同文字俾到你嘅就係啟發,呢樣嘢冇其他嘢可以代替。培養呢個習慣好簡單,首先我鍾意書,屋企隨處可以搵到書,好幸運,兩個女因此自細就愛睇書,比我睇嘅仲多十倍。人生好多道理好多方向都係喺書本裡面搵到,所以人可以獨立思考瞻前顧後,所以佢哋嘅決定我會放心。不過話雖如此,養兒一百歲長憂九十九係真嘅,大女依家做嘢仲飛得多過我,廿幾歲女去到邊我都係一樣會擔心。」

image5
image5


預告:時代不一樣,不過對旦哥來說家的概念永遠不變。從父母那一代,到自己做了爸爸養大兩個女兒,旦哥說最珍惜的、最美好的情感聯繫,就是一家人坐在一起吃個晚飯。

想知更多育兒資訊 請留意Easy Pama