邪惡手信

星島日報

【星島日報報道】長輩教落,做人必須有禮貌,某些「繁文縟節」不可免。例如,遠遊之後買回多少手信給親戚朋友(我冇做好耐咯!)及同事,趁機建立人際關係。昔日小弟在香港電台工作,每周例會,不時 上擺滿零食,因經常有同事旅行而回也。事實,買多少手信令大家關係和諧,非常值得推廣,這方面,女同事尤其細心,去完外遊,永遠左一抽、右一抽而回,令人人大樂。

零食做手信,一定要有地方色彩。例如去金門旅行,帶回來的,就應該是高坑牛肉乾、貢糖、馬氏麵 及金門最驕傲出品——高粱酒!

去台中呢,近年除鳳梨酥及太陽餅外,新款的,可考慮「寧波風味小館」的水果泡菜及「水母吃乳酪」的芝士蛋糕,兩皆清新美味,極具心思。

去年尾,新加坡突然出現火旺手信——鹹蛋黃薯片及炸魚皮,一出即爆紅,極之誇張,不但要排隊買,更要限量認購,搞到好似好矜貴。於是乎,親友遊新回港,皆以手持幾包上述潮食為傲。老友聚會, 兩包出 畀大家試,頗有Show Off感覺,明顯充滿炫耀心態。

小弟有幸,剛有三位老友分別去完新加坡,回港飯局,自然騷騷Quali,攜來兩包口味極重珍品,餐前分畀大家享用,位位面露傲氣介紹:「喂,阿碌,呢兩包 好辛苦輪番 !」

好,試試先。薯片麻麻,因鹹蛋黃混入薯片,唔多合拍,冇乜化學作用,有點夾硬來感覺。不過,炸魚皮又唔同,加入流沙口感及質感的鹹蛋黃碎,即時將層次提升,又香又脆又鬆又化,慘咯,一食就停唔到口!最弊,若 面有幾樽紅酒或凍啤就更「魔鬼上身」,因太襯了!其實,人人知鹹蛋黃膽固醇極高,炸魚皮亦油膩,兩皆「邪惡」。問題在,唉……「魔鬼」幾時都比「天使」吸引。人人一見「魔鬼」,立即情不自禁!

曾智華

專欄

其他內容