邱淑貞3個女兒遺傳優良基因 沈月IG限時動態曝光妹妹沈日素顏美貌

沈日
沈日

唔少星二代都遺傳父母優良基因,當中以邱淑貞與沈嘉偉嘅3個女兒:沈月、沈日、沈晨特別受關注,事關53歲嘅邱淑貞至今仍擁有逆齡靚樣,令人好奇佢嘅女兒美貌。不過,除咗沈月曝光率較高,沈日和沈晨都比較低調,就連社交平台都唔係好活躍;日前,沈月就將沈日近照罕有曝光,美貌不輸沈月。

20歲沈月被譽「最美星二代」
邱淑貞大女沈月五官標緻,被指外貌與身型都有住邱淑貞後生時嘅影子,2019年與邱淑貞出席巴黎名媛舞會,粉紅晚裝造型嬴盡全場焦點,亦被貫以「女神接班人」之稱。沈月一直活躍於社交平台,不時大曬造型照、雜誌封面及拍攝廣告等等,可見係國際品牌新一代寵兒;原先喺加拿大讀書嘅沈月,因疫情關係多咗年gap year,佢就表示無長遠計劃,但近嚟做咗唔少模特兒、廣告拍攝工作,自己都幾享受,沈月亦曾透露自己鐘意唱歌跳舞,有興趣出道做藝人,唔知將來有無機會見到沈月正式進軍娛樂圈呢?

18歲沈日充滿陽光氣息
二女沈日比較低調,咁耐以嚟只有與邱淑貞出席過數個公開活動,一身小麥膚色嘅佢充滿陽光氣息,被指外貌同爸爸沈嘉偉相似。沈日都唔活躍於社交平台,惟近日沈月罕有喺IG限時動態分享沈日抱住愛犬嘅照片,仲寫道:「my two cuties」;照片中,沈日著住家居服同素顏出鏡,但甜美笑容盡顯青春氣息。據悉,沈日自細具表演慾,又希望成為模特兒,但邱淑貞就想佢完成學業先考慮入行。

11歲沈晨五官愈見標緻
沈晨年紀尚細,所以都無咩出席公開場合,減少喺媒體前曝光。不過,仍可以喺邱淑貞一家家庭聚會、平時行街活動之中見到佢。11歲嘅沈晨比起以前,五官輪廓愈見標緻,而且四肢纖幼,相信將來嘅美貌應該拍得住兩位家姐。

沈月
沈月
沈月
沈月
沈月、媽媽邱淑貞 & 妹妹沈日
沈月、媽媽邱淑貞 & 妹妹沈日
沈日
沈日
沈日
沈日
邱淑貞一家去睇張學友演唱會
邱淑貞一家去睇張學友演唱會
沈晨
沈晨

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!