邵珮詩「書蟲」男友林浩文唔怕聽閒話

邵珮詩被男友讚可愛,實冧爆啦!
邵珮詩被男友讚可愛,實冧爆啦!

在劇集《愛.回家》中飾演 「書蟲」的林浩文是屋邨仔出身,不過為人努力又踏實,月前以六位數字血汗錢創業開Party Room。與「富家女」港姐冠軍邵珮詩拍拖四年的他,坦言不怕閒言閒語,更讚女友貼地又可愛。

現年28歲的無綫藝人林浩文(Oman),由舞蹈藝員開始做起,屋邨長大的他努力奮鬥多年,由社區中心跳到無綫舞蹈員,再跳到演唱會舞台。一次活動中,被前無綫監製潘嘉德邀請做特約演員,更入讀訓練班邊學邊演,幸而獲《愛.回家之開心速遞》監製賞職,擔任劇中阿叢「書蟲」一角,逐漸「入屋」,而在前日首播的新劇《十八年後的終極告白》中,一開場就慘被打死兼埋屍泥坑。

擲六位數字做老闆

Oman深明跳舞生涯短暫,鍾情藝術的他一個月前以六位數字血汗錢於新蒲崗開了一間Party Room,6,000呎地方內有多個不同的Function room租給客人拍攝、跳舞、開會,更有教整咖啡的小角及紋身小店等,全都是藝術範疇。

Oman是個踏實的後生仔,感情事向來低調,其實暗地裏早有一位拍拖四年、家底豐厚的港姐冠軍女友邵珮詩。女友入行後一直被標籤為「富家女」,之前本報拍得兩人甜蜜行超市,不過邵珮詩事後只以「圈外男友」形容Oman,對此,他坦言沒有不開心,更大方地說:「可能佢想保護我啦!當時我都只係Dancer,未係正式圈中人,而且感情事係兩個人嘅事,唔係好想講太多。」

愛女友夠傻又可愛

問有否因女友家底厚而感自卑?他坦言:「同一個人相處或者同一個人拍拖,唔係因為佢喺社會嘅高低而喺埋一齊。(怕唔怕人哋閒言閒語?)呢啲自己控制唔到,把口生喺人哋度,只可以做嘅係調節自己心態,你見佢都好平民化,唔係一定要用名牌。」問到Oman喜歡邵珮詩甚麼?他即收起正經笑笑口說:「鍾意佢夠傻、可愛,當大家望見大家就係嗰種感覺,愛係講唔出嘅,大家相處好舒服。」

林浩文近日開Party Room做老闆!
林浩文近日開Party Room做老闆!