邵美琪睇錢份上 無懼先隔離後開工

■邵美琪收青蛙公仔,莫非粉絲是想她早日覓得青蛙王子?
■邵美琪收青蛙公仔,莫非粉絲是想她早日覓得青蛙王子?
■邵美琪獲粉絲送花。
■邵美琪獲粉絲送花。

【星島日報報道】邵美琪(Maggie)前晚出席主演電影《被消失的凶案》首映禮,久未公開露臉的她身形fit爆,她表示因與年邁母親同住而不便脫口罩,有粉絲趁機送青蛙公仔給她,她笑謂:「唔知點解會送畀我,可能整蠱我,又可能送畀我扮有個王子。(有否追求者?)哈哈,笑吓就算。(粉絲似乎更為着緊?)她們應該是希望我開心。」提到保養得宜,Maggie表示沒有刻意減肥或戒口,不過自己一向注重健康飲食,加上疫情下經常忙玩煮飯仔,笑稱現在甚麼都煮得到,因有網上教學;但鏡頭前煮食就不敢,因有壓力。問到有否異性品嘗過她的廚藝?她笑謂:「有朋友試過,但朋友唔會話唔好食,媽咪亦從來冇say no,如果煮畀男人食就要等我煮得再好啲先。」

問到有否做運動幫助修身?Maggie謂:「我唔識做運動㗎!雖然都跟過發哥(周潤發)行山,但我唔似發哥咁堅持可以日日行,再且還要發哥遷就我的BB班程度,我亦冇鵬哥(盧海鵬)咁勤力,所以有時我都係屋企附近行。」談到工作,她稱等候導演的安排,不諱言疫情最嚴峻時也曾擔心,但到內地工作則視乎有幾多錢,她說:「最重要是隔離期,不過其實好多藝人正在內地等工作,他們很慘很辛苦,應該找他們先,希望大家都有工作。」

文:林子棠 圖:朱偉彥

■邵美琪收青蛙公仔,莫非粉絲是想她早日覓得青蛙王子?

■邵美琪獲粉絲送花。

■邵美琪稱因疫情常下廚,現時甚麼都識煮。

娛樂

睇更多