郭可盈林文龍西貢獨立屋曝光 樓底極高雲石牆簡約具氣派 手持至少近2億物業

郭可盈與林文龍1995年因合作TVB劇集《萬里長情》戲假情真成為情侶，拍拖9年後於2004年結婚，2010年誕下囡囡林天若（Tania），其後郭可盈為照顧家庭而淡出娛樂圈，二人為圈中模範夫婦之一。日前為郭可盈55歲生日，佢於社交平台PO出一家三口嘅慶生照，再次曝光逾4500萬西貢獨立屋內部。

郭可盈於社交平台分享多張林文龍和囡囡為佢慶生嘅照片，並寫道：「11月～我的生日月，感謝我的愛人、各方好友、粉絲們對我的寵愛，有緣相識、有心相聚 ！ 祝福大家年年健康、天天快樂、日日進步！With Love」。從照片中睇到，林文龍與囡囡分別向郭可盈獻吻送上祝福，家庭美滿幸福；同時照片意外曝光其西貢獨立屋內部，白色牆身配上水晶燈，裝潢簡約又具氣派。其實郭可盈不時都會PO出生活照，曾多次意外曝光西貢獨立屋嘅內部，例如去年曾分享佈置聖誕樹嘅照片，就見到屋內樓底極高，所擺放嘅聖誕樹至少有兩米高，郭可盈需要搬出長梯先可以將星星裝飾掛上樹頂；而客廳則相當寬闊。郭可盈於農曆新年又曾分享囡囡向佢哋拜年嘅照片，當時背景為客廳，客廳有張長型梳化，梳化上擺放著兩個Hermès咕臣，背後則為大鏡，增加空間感，另一邊則為雲石牆。

郭可盈出身富裕家庭，爸爸郭達昌做塑膠廠起家，旗下生意包括塑膠廠及玩具廠等等，有傳郭父2011年病逝後遺下逾億資產和億萬塑膠生意畀四名子女，亦有傳其塑膠生意由郭可盈接管。據悉，郭可盈2005年斥資約5,000萬元買入奧運站「一號．銀海」4個1,200多呎海景單位，估計手持至少近2億元物業。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！