郭奕芯有樓揸手 抖足2個月

·1 分鐘文章
郭奕芯9月才開戲,不心急減磅。
郭奕芯9月才開戲,不心急減磅。

女星郭奕芯昨日出席香港開電視「2020東京奧運會」宣傳活動,剛榮升業主的她心廣體胖,自言難得有2個月休息,零壓力下自然增磅:「應該肥咗幾磅,9月開戲,應該夠時間瘦身。呢排錄影ViuTV節目,主題圍繞感情事。」

談到早前置業投資,她坦言有壓力:「要睇銀行按揭做到幾多,首期已經拎咗過百萬出嚟,係我10年嚟儲嘅錢,冇叫父母幫手,相信佢哋都覺得好安慰。(買樓唔係自住?)諗住做短線投資,之後賣咗佢,再買間真正自己想住、大啲嘅單位,所以呢個會放租。」現時是自由身的她,雖然一手一腳傾工作,但勝在自由度大,可以做自己喜歡的事,所以不急於簽經理人公司。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能