郭富城年底開騷玩神秘

城城很開心新片揚威內地票房。
城城很開心新片揚威內地票房。

天王郭富城自爆「喜訊」,目前正籌備年底舉行的演唱會,但拒絕透露詳情,同時趕拍新戲的他,竟忘記準備母親節禮物給太太,靈機一觸想到代兩名寶貝女送花。

郭富城前晚出席主演電影《秘密訪客》的首映禮,台灣導演陳正道及演員許瑋甯、段奕宏及榮梓杉因疫情關係,未能來港,特意拍片支持,到場嘉賓則有張達明及李天翔。

開心影迷捧場

城城受訪時笑言很久沒進戲院欣賞自己的作品,對於新片於內地上映3日,大收約1.8億港元票房,他開心多謝支持業界的影迷:「聽番大部分觀眾都係讚賞,作為演員聽到真係好開心,希望之後繼續有好成績。今次係我第2次睇呢部戲,太太同家人都有嚟捧場,但因為兩個囡囡太細,等佢哋大個啲先睇番我嘅作品。」談到未能跟同片演員一齊宣傳,他表示疫情改變了許多工作模式:「大家分頭工作、宣傳,最重要係推動到呢部電影畀多啲人入場睇。」

代囡囡送花

之後他自爆正籌備年底舉行的演唱會,記者追問在甚麼地方舉行?他只說:「唔透露得,暫時要賣個關子先。(紅館連續幾年嘅聖誕、跨年檔期都搞唔成!)咁只能講我唔係喺紅館搞,但其他嘢真係唔講得住,要等大會公布。」提到母親節將至,問到如何跟太太方媛慶祝?他直言忘記重要節日:「好彩你哋提咗我,嗰日我可以同太太慶祝,最近除咗好勤力咁練書法之外,仲準備緊另一部新戲,同埋年底嘅演唱會,太投入工作喇!(會代囡囡買禮物?)當然會!簡單啲,就送紮靚花表達心意。」