郭晉安行山嗌救命 游嘉欣全力攻演藝 儲人脈創業

游嘉欣劇接劇,同時要兼顧事業,難怪冇時間打理網店。
游嘉欣劇接劇,同時要兼顧事業,難怪冇時間打理網店。

無綫小花游嘉欣近年備受力捧劇接劇,她透露大學畢業後將全力向演藝界發展,不過心中仍有個創業夢,會累積人脈及經驗,以備將來在商界大展拳腳!

游嘉欣昨日聯同郭晉安、陳煒及汪明荃等為劇集《回歸》進行外景拍攝,場口有關青年創業比賽,嘉欣笑言自己也有創業心:「我對時裝同飲食方面有興趣,希望向呢方面發展,不過,現階段要儲多啲人脈同經驗,需要好多知識,仲係學習階段。」嘉欣本身有經營網店,仍在大學修讀工商管理學士課程的她表示因為要兼顧幕前工作及學業,故未有時間打理:「我要完成咗大學先,之前啱啱考完試。(好吃力?)話唔吃力就呃你,應該可以合格畢業,畢業後暫時會繼續做演藝工作。」

陳煒布置新居

至於郭晉安透露還有數日便煞科,6月可以陪仔女放暑假,一齊遊山玩水:「我最近同佢哋行山,行咗2個幾鐘,佢哋行到死死吓,我就連條命都冇!(太太有冇一齊去?)冇,佢讀緊營養學碩士,9月就畢業,希望可以同佢去到畢業旅行,去澳門都好。」而陳煒稍後要拍電影及忙着打點新居裝修,問到父親後事的安排?她說:「差不多。(心情平復未?)我OK,有心。」

而汪明荃只有3日戲份,屬客串性質,坦言無意拍長劇。她稍後會為澳門藝術節演出,要在當地隔離21日,直言不敢想像:「我未試過隔離,佢哋教我到時開直播,我仲未學識。(擔唔擔心身體?)好食好住,擔心乜嘢?」

戴祖儀有兩位男士傍實,零舍得戚。
戴祖儀有兩位男士傍實,零舍得戚。
汪明荃客串演出,郭晉安及陳煒有機會學嘢!
汪明荃客串演出,郭晉安及陳煒有機會學嘢!