郵輪假期變惡夢 肺炎疫情下多艘郵輪無限期停駛

Yahoo 旅遊
郵輪假期變惡夢 肺炎疫情下多艘郵輪無限期停駛
郵輪假期變惡夢 肺炎疫情下多艘郵輪無限期停駛

太約10年之前,一直以來坐郵輪被視為「老餅」行為,但隨著郵輪不斷發展,船上設施發展可以話一日千里,目前上郵輪已經成為老少咸宜旅遊方式,不再「老餅」。不過一場肺炎疫情之下,郵輪突然變成高危活動,截止2月17日,鑽石公主號已確診355宗新型肺炎案例,郵輪已變成一個感染高危區 。另一艘威斯特丹號則慘成「人球」,無港口肯接收,海上飄浮若干日先得到柬埔寨收留;有鑑於郵輪疫情,多艘郵輪都緊急取消行程:

盛世公主號急取消行程

鑽石公主號屬於公主郵輪集團,佢另一艘姊妹郵輪就係盛世公主號。早前盛世公主號已經主動取消4月開始一共9個行程, 受影響旅客可以向旅行社作全數退款。同讚石公主號一樣,兩艘郵輪都停駛至5月,視乎當時疫情再作決定。

盛世公主號已宣佈停航至5月再作決。
盛世公主號已宣佈停航至5月再作決。

世界夢號取消櫻花團 

曾因為接載過8位肺炎乘客要全船泊岸啟德多日嘅世界夢號,已經宣佈取消3月底由基隆出發往日本鹿兒島、廣島嘅6天賞花之旅。退款仲有小插曲,1月29日之前主動要求退款嘅旅客,不獲退款。

全船泊岸啟德多日嘅世界夢號取消3月底日本賞櫻團。
全船泊岸啟德多日嘅世界夢號取消3月底日本賞櫻團。

其他多艘郵輪均受牽連

除咗上面講嘅之外,其他郵輪包括瑪麗皇后2號原定會停新加坡,但已改道澳洲。伊莉沙白女王號亦取消4月前來香港及上海行程。挪威郵輪旗下挪威精神號3月亦唔停泊新加坡而改去希臘。

瑪麗皇后2號原定會停新加坡,但已改道澳洲
瑪麗皇后2號原定會停新加坡,但已改道澳洲

根據早前台灣一個民調,有高達3成受訪人士,表示今年內都唔會考慮再坐郵輪,可以想像到郵輪旅遊業將面臨寒冬。其實未有今次事件之前,每年平均有10艘郵輪會爆發「諾沃克病毒」或大腸桿菌等傳染病。根據傳染病學者所言,其實郵輪非常合適病毒滋生。

空間狹小 容易人傳人

郵輪唔同一般環境,船上隨時住有二、三千人,於一個狹小空間之內,共用眾多空間,包括洗手間、戲院、遊戲室等;其中餐廳、賭場等都係好容易透過帶菌者接觸物品,而再由另一人接過而傳染。

郵輪上上住2、3千人,容易互相傳染。
郵輪上上住2、3千人,容易互相傳染。

自助餐成溫床

郵輪包晒旅客一日三餐,而除非閣下自費,否則都係於餐廳食自助餐。自助餐大家都知,好易被飛沫沾上食物;或者張枱食完未有人清潔但就被其他人坐下,一樣係間接感染嘅途徑。

一日三餐都係食自助餐,同樣係感染原因之一
一日三餐都係食自助餐,同樣係感染原因之一

多日共用服務生

郵輪中每日都有服務生執房清潔,一個郵輪短至6日,長則十數日行程,每日都由服務生入房清潔,一旦其中一日有一位服務生不幸染病,就等如逐間房去傳染病毒。而且一般連住多日但未必每日都會用深層清潔房間,容易造成病毒滋生。

每日執房只係基本清潔,未必有效殺絕病毒。
每日執房只係基本清潔,未必有效殺絕病毒。

冷氣或水非感染原因

至於好多人都話郵輪上冷氣系統會播毒,專家就話未必,例如讚石公主號就並非中央冷氣系統,所以未必真係關冷氣事。而用水方面,大部分郵輪都係用海水淡化機補充水源,未必構成傳染原因。

唔少新郵輪已經唔再使用中央冷氣系統。
唔少新郵輪已經唔再使用中央冷氣系統。


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看