【鄧小巧演唱會】開騷不忘撳手機睇新聞:活喺同一城市冇人可倖免

【鄧小巧演唱會】開騷不忘撳手機睇新聞:活喺同一城市冇人可倖免
【鄧小巧演唱會】開騷不忘撳手機睇新聞:活喺同一城市冇人可倖免

鄧小巧昨晚於旺角麥花臣場館舉行《My Healing Live》演唱會,雖然近日有很不少演唱會取消,但小巧仍然堅持昨晚如期開騷。又邀請到藍奕邦作嘉賓,兩人合唱《強弱》時,她笑言:「近排每次唱呢首歌都會中招,好似中咗TG咁!」

攝影:梁碧玲

演唱會準時晚上八點開始,甫開場小巧先清唱兩句《不藥而癒》,然後舞台上央的圓型熒光幕播放出星圖、宇宙的動畫,然後出現「不是因為看到希望才堅持下去,是因為堅持下去才有希望。」及《四大發明》的歌詞「文明如何盡化,有火藥不必點吧」,身穿黑色露背戰衣的小巧終於出場,一口氣連唱《四大發明》、《荒唐》及《芭樂》,當中不乏飆高音、拉長音的位置大騷唱功之餘亦迅速帶觀眾進入狀態。

情緒高漲過後,小巧換上白色連身紗裙,在只得鋼琴伴奏下唱出《心靈作家》、《重陽》、艾怡良的《給朱利安》、陳奕迅的《我們都寂寞》,當中尾段副歌的大爆發再次驚豔觀眾,流露出歇斯底里的情緒,在只得鋼琴伴奏的情況下,更能突顯其聲線特質。及後唱出《煩可寧》,帶大家感受小巧聲線溫柔的一面,感受何謂「療癒系」聲線。

來到全晚的高潮部份,小巧換上緊身低胸戰衣,唱《無神論》、《兩溝》、《雅俗》及《精神餵飼》時,加入性感舞步,舉手投足都引來台下陣陣尖叫聲。解放完大家的情緒後,久未露面的藍奕邦上台,合唱《晚晚禮拜六》及《強弱》,小巧笑言:「近排每次唱呢首歌都會中招,好似中咗TG咁!哎呀,我又講多咗喇!」藍奕邦亦說:「近排啲TG真係勁咗好多,大家出街覺唔覺有陣臭蛋味,個鼻好乸。」小巧又提到藍奕邦是自己第一位伯樂,自《超級巨星》起便很照顧自己,又曾幫手「包碟」填詞。藍奕邦感謝小巧「助養」自己,小巧笑說:「不如互養啦,假結婚ok,哈哈!」阿邦神回一句:「大家影多啲相,要畀證據移民局睇!」

去到演唱會尾段,小巧唱出《漩渦》、《迂腐》、《弱水三千》、《香檳女狼》、《雲吞》等歌曲,她感觸說:「2019年做一個演唱會我想像唔到係咁難,咁忐忑、咁唔開心。多謝你哋呢個時勢都仲肯嚟聽我唱歌!」然後加插一段頌缽冥想環節,為入場觀眾心靈充電。放鬆過後唱出《可惜你是個人》,encore大合唱《強弱》以及《剎那的烏托邦》作結。

小巧完騷後接受訪問,被問到在一片「Cut騷潮」中,何事令她能堅持舉行演唱會?她說:「係台前幕後所有人嘅信念,有一種『我哋要搞就一定搞得成』嘅感覺,當時有諗過,如果出面有咩事,入得幾多個咪幾多個,三個都照唱。所以到今日大家好準時八點就入齊晒,真係好多謝大家!」另外又問到,在現時社會狀況下開騷,心理的負擔會否很大?她說:「我開騷前喺到撳電話,成個團隊即刻話『唔准睇電話!收埋!』其實我都偷偷哋有睇,關心出面發生緊咩事,因為我哋生活喺同一個城市,冇人可以倖免。」

點擊瀏覽《香港01》更多內容和圖集

你可能感興趣:
《香檳女狼》裡的貓系人生 原來鄧小巧都係忠實貓奴
【小Q】鄧小巧翻唱《陪著你走》被盧冠廷訓話︰唔好當自己係歌手