鄧月平私伙食譜健康瘦身

·1 分鐘文章
女神鄧月平分享食譜喎,唔係唔跟呀?
女神鄧月平分享食譜喎,唔係唔跟呀?

「宅男女神」鄧月平(Larine)之前為拍戲由46kg增肥至65kg,事後用盡各種方法極速減磅,結果導致荷爾蒙失調,已康復的她勸喻大家切勿以極端方法減肥,並推介健康瘦身法。身為廚藝高手的Larine建議從飲食方面入手,宜多吃豆腐、冬瓜、蘿蔔、西蘭花、去皮雞髀肉、牛肉及蛋白等健康食材,又分享食譜:「牛肉同番茄一齊煮,味道好好又減到肥;咖喱雞髀肉好好味,卡路里又唔高。仲有一樣嘢好幫到手,就係蒟蒻,依家有蒟蒻麵、蒟蒻飯,好大兜都只係7卡路里,可以落少少雞絲整啲菜,撈咖喱粉或海苔粉已經好健康美味,而食嘢前我都有食阻隔油脂嘅supplement。」

Larine又指一星期有一、兩天可以放縱,其他日子亦可以照食魚、牛,但盡量少食澱粉質及糖分:「因為幾致肥,糖又會加速老化,同埋要飲多啲水。」

她又分享日常生活小習慣,有助去水腫:「瞓覺前抬腿有助腳形愈嚟愈靚,有時着完高踭鞋一日會攰,浸熱水可以疏通淋巴,令小腿冇咁易粗;想面部去水腫就用通淋巴棒,好有效。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能