鄧月平跑到餓 十幾蚊醫肚

東方日報
·2 分鐘文章
鄧月平輕易抬腿到欄杆上,犀利!
鄧月平輕易抬腿到欄杆上,犀利!

剛成立工作室的「宅男女神」鄧月平日前被目擊跑步減肥,身穿小背心的她難掩F Cup身材!之後見她轉場買嘢食,更慳妹上身、貨比三家餐廳,最後決定幫襯茶餐廳買三文治當一餐醫肚!

23歲的鄧月平(Larine)最近投資6位數全副身家自組工作室兼推出新歌,事事親力親為的她工作忙碌,但日前下午時分被發現抽空到觀塘海旁做運動操fit身形,見到擁F Cup上圍的她身穿黑色小背心及短褲,盡顯曲線身材,吸引不少途人目光!她先做熱身運動,壓腿拉筋,又在欄杆壓腿,白滑雙腿相當養眼,之後開始沿海濱來回跑步,跑到身水身汗才休息。

走勻3間餐廳格價

做完運動當然肚餓,Larine行去附近「搵食」,慳家的她行足幾間食店格價,她在第1間小食店睇餐牌時忍不住摸肚,看來相當肚餓,之後到旁邊的餐廳,並拿出手機計數。睇完都冇心水,她即到對面馬路的茶餐廳,左揀右揀一輪終決定幫襯,見她拿着外賣袋離開,並快步於海旁找長椅坐下,除下口罩即時開餐。她邊食10多元的三文治邊玩電話,食得津津有味。

事後Larine接受電話訪問,笑言要做運動減肥,因稍後出歌及有其他工作,故要用最佳狀態示人,講到食三文治當一餐,她笑說:「窮吖嘛,出歌冇晒錢,要慳。(樣樣要節衣縮食?)不嬲都係,依家要再節啲,食少啲可以瘦又可以慳錢。(因為自組工作室要慳啲?)係呀,紙筆墨硯全部都係錢。」

為了減肥,鄧月平抽空跑步。
為了減肥,鄧月平抽空跑步。
鄧月平格價一輪後,買三文治到海旁醫肚。
鄧月平格價一輪後,買三文治到海旁醫肚。