鄧炳強拍片講鍾意做警察 推廣最新「P-TV」分享內部資訊

【on.cc東網專訊】警務處處長鄧炳強近期常常粉墨登場,一時做軍裝警員協助同事,一時帶齊裝備同前線同事做反恐工作,而今次一哥終於做番一哥,幫警隊最新推出嘅「P-TV」平台做宣傳。新平台主要係內部資訊分享居多,頭炮就推出「我是警察」的短片創作活動,畀一眾同袍分享做警察嘅初心,最後仲同大家講一句「我最鍾意嘅就係做警察」。

警隊最新一段短片又搵到處長出場,一開頭處長自己都提到近期經常拍片,但其實唔係為咗想做演員,而係為咗符合時代,用新嘅方法向外界傳達訊息;同時又希望自己支援到前線同事,畀到正能量同事。一哥又講到前年黑暴事件係警隊轉捩點,由呢個時候開始警隊就製作短片同外界溝通,發放新訊息,同時希望呢類訊息都可以同內部分享,所以設立「P-TV」內部資訊分享平台,發放正能量之餘,仲會鼓勵到身邊嘅人。

【更多即時新聞詳情請上東網新聞