鄧達智疑心臟有事飲酒休克

時裝設計師鄧達智近年身體響警號,幸接二連三逃出鬼門關!近期他懷疑心臟出問題,試過在朋友聚會暢飲期間,在無預警下休克,因為狀況非比尋常,決定盡快入院進行詳細檢查保命。

鄧達智(William)早年曾先後患乙狀結腸癌二期及前列腺癌二期,兩次都戰勝病魔,去年又確診新冠肺炎,留院多日才康復,怎料踏入新一年又出毛病!據知,血壓一向偏高的他,最近疑心臟出現問題。

死撐扮冇事

William受訪時自爆曾與朋友吃飯飲酒後突然休克,其實類似情況兩年前已試過一次,但當時冇做任何檢查,直至最近聖誕及除夕出席飯局,與大家暢飲2杯後,發覺休克的情況變得頻密:「最近一次經歷係同朋友食飯,嗰日有飲酒,當我簽單請客時暈過2次,但係同枱嘅人唔知嘅,佢哋只係以為我點解睇單睇咁耐,嗰兩下暈係好短暫,其實休克嘅感覺唔知係瞓咗定暈咗,我就死撐,簽完即刻去洗手間洗面清醒吓。」

他坦言這個經歷非常恐怖,尤其近來身邊有些5、60歲的朋友,都是突然暈倒就猝死,令他不敢怠慢,故決定日內到醫院進行心臟檢查,並由伴侶陳梓欣做其主診醫生:「預咗要留院幾日,因為檢查心臟,戴嗰部機都要戴幾個鐘。」雖然他血壓偏高,但如果平日沒有飲酒,他覺得自己的身體狀況屬正常。據知,逃出鬼門關幾次的他,早就放棄千萬祖業,已分了給子姪,甚至考慮將來死後將財產捐給慈善機構。

陳繹嵐勁擔心

模特兒陳繹嵐(前名陳嘉容)得知好友William身體出現問題,坦言非常擔心:「身體健康係第1位,佢係貪靚嘅人,做時裝設計師對自己要求好高,一定會好注重身體,所以唔會差得去邊。(叫佢飲少啲酒?)唔會叫佢飲少啲,適量就冇問題,希望佢快啲好番。」