鄧麗欣秘密見王子:先生,邊位呀?

東方日報
·2 分鐘文章
Stephy等到頸長才能與王子見面,可惜又再分開。
Stephy等到頸長才能與王子見面,可惜又再分開。

鄧麗欣疫情下被迫與台灣男友「王子」邱勝翊分開長達10個月,早前終排除萬難相見,一解相思之苦,但見面一刻竟「甜蜜欠奉」,劈頭第一句就搞笑問:「邊位呀?」

2020年,全球都疲於奔命地抗疫,娛樂圈幾乎停擺,但鄧麗欣(Stephy)某程度上仍獲幸運之神眷顧,牛年到來前更傳出好消息,憑電視劇《男排女將》成為民選視后,她感恩地說:「真係諗都冇諗過(電視方面會得獎)。其實舊年我主演嘅電影,幸運地可以趁疫情暫緩時喺戲院上映,後來戲院封咗,大家多咗時間留喺屋企,咁啱我又有套電視劇推出,好似事業上有啲得着咁啦!」

好想去旅行

談到與男友「王子」長期分隔港、台兩地,大家難免擔心他們如何維繫感情,Stephy突然自爆:「其實我哋有我哋嘅方法,已經見咗面喇!點樣就唔話畀你哋知。(見面前分開咗幾耐?)足足有10個月!再耐啲真係唔知點算。(第一句同佢講乜?)先生,邊位呀?哈哈!(分開嗰陣有冇好唔捨得?)又冇喎!因為知道冇辦法,惟有寄望疫情快啲過去,可以再見面啦!依家都有Keep住日日通電話。」原以為「通關」後,她會第一時間飛到台灣解相思之苦,但她另有打算:「好想去旅行,台灣對我嚟講已經唔係去旅行喇……想去遠啲,或者陽光與海灘啦!」

談到牛年願望,她搞笑說:「最想梗係可以搽唇膏畀大家睇啦!希望可以除低口罩。(新年有咩活動?)冇,可能打吓麻雀咁囉!呢樣我幾喜歡。」談及難忘的農曆新年,她分享「慘痛經歷」:「係好唔開心嘅回憶,話說我細個去拜年𢭃利是,用個袋袋住,開開心心搭車返屋企,點知個袋留咗喺架車度,我記到今時今日!」

演藝工作減少,Stephy多放時間在茶飲店生意。
演藝工作減少,Stephy多放時間在茶飲店生意。