鄭嘉穎爆道具BB超逼真 價值5位數 鍾嘉欣「痛失愛兒」催淚演技獲推視后

·4 分鐘文章
■除了馬國明及鍾嘉欣外,大部分主要演員都有出席昨日的活動。
■除了馬國明及鍾嘉欣外,大部分主要演員都有出席昨日的活動。
■鄭嘉穎大受小朋友歡迎。
■鄭嘉穎大受小朋友歡迎。
■周家怡見到有粉絲撐場,笑得特別開心。
■周家怡見到有粉絲撐場,笑得特別開心。
■陳自瑤亦有粉絲支持。
■陳自瑤亦有粉絲支持。
■左起:羅子溢、鄭嘉穎及周家怡出席宣傳活動,繼續為劇集造勢。
■左起:羅子溢、鄭嘉穎及周家怡出席宣傳活動,繼續為劇集造勢。

【星島日報報道】鍾嘉欣在TVB台慶劇《星空下的仁醫》獲網民大讚演技躍進,前晚劇情講她的胎兒受感染死亡,鄭嘉穎搶救BB不果亦爆喊,兩人的催淚演出達至視帝視后級別,拍攝用的道具BB逼真度同獲網民讚賞。闊別熒幕幾年的嘉欣感動多謝大家支持和鼓勵,感恩得到這個角色。嘉穎則看好譚俊彥和張振朗得獎,觀眾覺得他值得攞獎已開心。文:余潤娟圖:鄧國良

前晚劇情講鍾嘉欣與腹中胎兒互動之際,突然肚痛被急送進手術室,但胎兒離開母胎後已沒呼吸,縱然鄭嘉穎盡力搶救仍返魂乏術心痛流下男兒淚,嘉欣傷心得一度出現幻覺。由於這場戲所用的道具BB很逼真,網民對製作及嘉欣、嘉穎的演繹一致好評。

投入角色真情流露

嘉欣越洋受訪時大表感謝,她指入行以來每個角色都有盡力去設計及演繹,她表示:「細個時演較年輕角色,喊嘅時候會簡單啲;但戲中角色章以芯資歷相對多咗,我自己又進入另一階段做咗媽咪,所以處理喊戲會唔同咗,要顧及嘅嘢多咗,好自然地深層次啲。」她又指該兩場重要喊戲均由心而發、順其自然:「我只係投入喺角色,俾自己身體語言同思維自然流露出嚟,再隨住劇本帶領及當日狀態,盡全力去做好佢。」嘉欣坦言做媽媽之後對演喊戲有幫助:「學套劇話齋,媽咪係有一種本能,我嘅本能就係更加連繫到我自己嘅內心世界同情緒,即係痛可以更痛。」

談到網民力推奪視后不二之選,嘉欣感動稱:「再次多謝大家支持,真係對我好大鼓勵,我都有成5、6年冇乜演過戲,大家都仲記得同支持我,我非常感動。我對自己演出係有信心嘅,畢竟我演咗戲十幾年,未結婚之前我都拍咗成四十部劇,有好多訓練同進步嘅機會。章以芯係我好期待去演嘅角色,我亦好感恩呢個角色俾咗我好多學習機會,無論演戲抑或處事,我好多謝呢個角色。」

嘉穎望張振朗封帝

鄭嘉穎昨宣傳《星》劇,說到這場喊戲一take過,他指有些喊戲可拍好多次,但第一次是最好。說到與鍾嘉欣有化學作用,嘉穎表示大家是職業演員,他好開心遇到嘉欣這個對手,亦讚道具部,今次的道具BB花了5位數字,效果好真實,好少道具BB可以拍近鏡。問到對爭奪視帝可會加分?嘉穎希望獎項給新人,除看好譚俊彥外,他知道張振朗為《拳王》操得好辛苦,個人意願想給未得過獎的演員,因為可能改變他們一生,比他更有意義,大家覺得他值得攞獎已開心,多謝大家支持。他又指自己一向受小朋友歡迎,最近更受家長歡迎,至於開拍續集要考慮好多因素,到時再算。

周家怡喊到似豬頭

周家怡多年前在劇集《On call 36小時》曾癡戀馬國明,今次在《星》劇剛相反,笑言感榮幸,接下來劇中兩人開始嗌交。她說劇中好多場戲都睇到喊,尤其鍾嘉欣的BB去世,喊到似豬頭,道具BB逼真,拍完要好好處理。問可有喚起母愛,如劇中嘉欣單性繁殖?家怡笑說年輕時也不知得唔得,雖然現時年紀還可以生小朋友,但沒刻意想,知照顧小朋友心力好 ,目前沒拍拖,一切隨緣。她聽監製提及開拍續集,但不知是否成事,都擔心不及第一輯好,到時再看情況。

■搶救BB不果後,鄭嘉穎落下男兒淚說:「對唔住,叔叔救唔到你。」

■鍾嘉欣已有兩個孩子,演繹母愛表達自是得心應手。

■道具BB超逼真。

■除了馬國明及鍾嘉欣外,大部分主要演員都有出席昨日的活動。

■鄭嘉穎大受小朋友歡迎。

■周家怡見到有粉絲撐場,笑得特別開心。

■左起:羅子溢、鄭嘉穎及周家怡出席宣傳活動,繼續為劇集造勢。

■陳自瑤亦有粉絲支持。

娛樂

睇更多

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能