鄭秀文澳門演唱會 ｜吳雨霏帶病失聲堅持唱 完騷Fans不散場

天后鄭秀文（Sammi)昨晚舉行第六場「You & Mi鄭秀文澳門演唱會2025」，邀請吳雨霏（Kary)擔任表演嘉賓。Kary昨日生病一度失聲，但她堅持上台演唱。Sammi台上鼓勵她復出，Kary表示要問老公和仔女。而昨晚歌迷超級熱情，完騷後不肯散場大叫encore，寵粉Sammi折返舞台清唱一段答謝支持。

Sammi與Kary合唱《愛是最大權利》後緊緊擁抱，Sammi說：「Kary其實今日把聲有啲唔舒服，但佢話唔怕，有你哋支持，會繼續唱好呢首歌！」全場掌聲。Kary向觀眾揮手打招呼，說：「好耐冇見大家，大家好嗎？我係吳雨霏。」Sammi對她說：「你唔好成日掛住湊湊仔，幾時返出嚟唱歌？（我依家咪出咗嚟囉！）哈哈，係咪即係從此出嚟先？要問吓老公同仔女？（問吓佢哋先啦！）」Sammi表示與Kary私下是好姊妹，經常聯絡問候近況。Kary說：「Sammi真係好好，雖然第一次唱歌做嘢，但私底下成日message我、問候我、鼓勵我。所以我要多謝你，你真係一位好好嘅朋友同埋前輩。」Sammi說：「我哋都係主內嘅姊妹，感謝、讚美主！」Kary大讚Sammi造型好靚，Sammi風騷笑說：「係我身材靚！」。

Sammi落台換衫，Kary留步台上對觀眾說：「今日發生咗小插曲，就係失咗聲，但係唔緊要，嚟到見到大家，我只係想enjoy呢個舞台，因為我真係好耐無上台唱歌。原來我12年前喺呢個台開過個人演唱會，有啲樂手12年前都有幫我彈過，所以當Sammi邀請我時真係好興奮。你哋想聽咩歌？」台下起哄，Kary信眾要求演唱《我本人》，全場歡呼。

而昨晚觀眾非常熱懼，完騷不散場，即使全場開大燈，接近七成觀眾不肯離開，湧到前排觀眾席大叫encore。原本已返後台換了衫的Sammi，抵不住觀眾的熱情折返舞台，全場起哄尖叫，Sammi強調要尊重場館守則，又笑言：「你哋畀我返去食嘢啦！」然後清唱一小段《醫生與我》和《值得》。之後她笑言：「本來已返咗入後台，但出面實在嗌得太勁。希望今晚嚟嘅觀眾都開心同埋滿足！」