鄭秀文為新歌化身泥人跳現代舞 網民嘲:跌咗落屎坑?

·2 分鐘文章
鄭秀文
鄭秀文

樂壇天后鄭秀文(Sammi)以百變形象見稱,出道多年經常帶給粉絲驚喜。日前Sammi推出全新歌曲《無人島》,MV中佢塗滿一身泥濘,化身成泥人與香港舞蹈團首席舞蹈員黃磊跳現代舞。雖然Sammi話今次係佢出道以來最滿意嘅MV,不過有網民就唔多同意。

新歌《無人島》嘅曲風同Sammi以往嘅作品好唔同,而Sammi就話呢首歌嘅感覺比較淒美同另類,係呈現緊一段關係之間嘅張力、角力、愛與恨及不安等等嘅情緒。關係去到臨界點嘅時候,其中一方就會好想脫離關係,去一個無人島並釋放就嚟爆嘅感覺。當回歸返關係時,就會有重生嘅感覺。

《無人島》MV由著名美指梁華生擔任,而跳舞部分就由Sammi及港舞蹈團首席舞蹈員黃磊負責演出,Sammi話當佢一聽到構思時,佢就立即毛遂自薦,因為佢好鍾意現代舞,之前佢嘅歌亦冇機會用現代舞去呈現,所以佢好開心呢首歌可以俾佢去演,同時佢亦好多謝黃磊嘅演出。至於呢個滿身泥濘嘅造型,佢哋需要戴上頭套、特別色嘅隱形眼鏡及將灰泥一層一層咁塗滿全身,單單係裝身就已經要用上半日時間。之後,佢哋就喺佈滿泥灰嘅場景跳舞,將淒美感覺完美呈現。

唔少網民睇完都好欣賞Sammi及大讚佢演繹精彩,例如「好佩服sammi不斷喺藝術方面有不同嘅新發展,似乎睇到未來嘅Sammi會嘗試更多藝術嘅嘢!!」、「好有藝術成份嘅MV, 好靚 , 好欣賞sammi自己演繹角色 .」、「歌越聽越好聽,MV好睇,聲色藝俱全,多謝Sammi精彩演繹,犀利」及「很精彩的MV,完美展現《無人島》所描述亂世中的孤寂。Love Mi so much.」等等。不過有網民似乎唔多喜歡呢個MV,仲留言話:「跌咗落屎坑?」、「做了三行?裝修?呀?」及「冇新元素嗎?好似越來越走火入魔了。」等等。

鄭秀文《無人島》MV 截圖
鄭秀文《無人島》MV 截圖
鄭秀文《無人島》MV 截圖
鄭秀文《無人島》MV 截圖
鄭秀文《無人島》MV 截圖
鄭秀文《無人島》MV 截圖
鄭秀文《無人島》
鄭秀文《無人島》
鄭秀文《無人島》
鄭秀文《無人島》
鄭秀文《無人島》
鄭秀文《無人島》
鄭秀文《無人島》
鄭秀文《無人島》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能