鄺潔楹人細膽大 滑翔開餐

「人仔細細」的鄺潔楹膽生毛，拍攝節目不時「玩命」，玩滑翔傘時更自備「飛機餐」，邊飛邊食，又笑言擇偶時希望對方同樣大膽，更立下目標，希望30歲前挑戰笨豬跳！

鄺潔楹（Judy）、江嘉敏及Super Girls成員Aka等昨午現身電視城，為節目《野外步出》startalk錄影。幾位靚女當中，以Judy最大膽：「我去咗龍脊玩滑翔傘，拍之前監製話我係『有分量』嘅嘉賓，事實係因為呢個環節係冇女嘉賓夠膽玩啫！」

她透露以往玩Sky Diving都覺得興奮，又笑說：「今次我仲大膽過男主持方紹聰，我自備咗『飛機餐』，即係1串燒賣喺半空食。（膽生毛冇得扮小鳥依人囉？）所以我希望男友都大膽啲。其實我想試埋笨豬跳，希望快啲可以去旅行，完成埋呢個創舉！」

江嘉敏因禍得福

江嘉敏則負責於東龍島飛索滑行50米「睇風景」，她說：「畏高嘅我企喺崖邊喊咗個半鐘，被拍低晒啲醜態！」她又自爆男友曾提議一齊笨豬跳：「佢話咁樣係一齊經歷生死，感情會再進一步。（佢諗住趁機求婚。）我接受唔到喎！」談到日前因忘記密碼搞到銀行戶口被封，她竟開心地說：「原本我個身有500蚊，依家幾日都原封不動，出咗去兩日都有朋友請食飯，哈哈！」

另外，Aka難忘雷暴兼落雨、場地設施十分濕滑下於崖邊游繩：「仲要同方紹聰邊傾偈邊食嘢，挑起條筋，想挑戰滑翔傘、四驅車等玩意。」