鄺潔楹「睇中」吳偉豪老竇 黃婧靈波大有腦 領「哈比軍」出戰

波波自封「智慧波」,是隊中的智慧擔當,甚有自信!
波波自封「智慧波」,是隊中的智慧擔當,甚有自信!

「無綫性女」黃婧靈(波波)與鄺潔楹前晚錄影《思家大戰》,波波自封「智慧波」,自誇是智慧擔當;鄺潔楹則𥄫實吳偉豪老竇,大讚與別不同。

梁思浩、鄺潔楹、波波及吳偉豪等前晚在將軍澳電視城為無綫遊戲節目《思家大戰》擔任嘉賓,身材嬌小的鄺潔楹、波波、陳欣茵與杜穎珊組成「哈比」隊,與吳偉豪四兄弟及爸爸的「吳條煙」對壘。波波笑言輸人不輸陣,自封「智慧波」,是隊中智慧擔當,鄺潔楹則負責搞氣氛。

梁思浩節目傾緊添食

鄺潔楹被問到可有睇中吳家四兄弟,她笑說:「反而留意到佢阿爸對眼與別不同,最震撼係佢哋好似樣。」她又自嘲擇偶條件膚淺,最緊要合眼緣。最近到佛山拍完劇集《一舞傾城》的她,覺得新劇不似台劇《華燈初上》:「劇組搭咗個90年代夜總會場景,自己好似真係去咗嗰個年代做舞小姐咁!」但透露劇中沒有激情戲,反而有被打的戲份。

提到梁思浩主持的節目《通靈之王》播出後被指妖言惑眾、教壞細路,更有團體要求停播,他說:「大家睇咗幾集之後,相信都知道係冇妖言惑眾,節目係想大家知道世界有唔同宗教,係知識行先。」對於受到批評,他透露無綫沒有給壓力,反而獲讚賞,正洽談開新一輯,亦慶幸節目談論度高:「做咗咁多年藝人,未試過成為網絡搜尋第一位,TVB贏咗網上談論點。傾緊開新一輯,會加人工,但最大獎勵係創作節目由頭到尾冇任何干涉,志偉對我好好,成個合作過程好放手。」

波波與鄺潔楹等組「哈比」隊,對撼吳偉豪一家的「吳條煙」隊。
波波與鄺潔楹等組「哈比」隊,對撼吳偉豪一家的「吳條煙」隊。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能