醉客誤當$500為$100付車資 感激誠實的哥用盡辦法退款:我決定捐咗呢$400

大家有試過誤將「金牛」或「大牛」當一百元鈔票付款嗎?有的士乘客分享一則好人好事,稱自己醉後誤將$500當為$100付的士車資,示意不用找續,直至下車回家亦未發現,突然他收到來電⋯⋯

的士乘客Tony在社交媒體的群組分享經歷,指近日有到個晚上他「飲飽食醉,諗住叫的士返屋企」,在車程途中「好有酒意嘅我,上車不久就同的士司機傾開香港近年的問題」,交談內容涉及政治、民主、移民英國等,他形容氣氛不錯。

到達後車資為$220,Tony寫道「我隨意在袋中取出了兩張$100同一張$20,並道謝的士司機送到屋企樓下之後,示意不需找續了。」當時他並沒有發現誤將$500當為$100付款,下車後如常回家。「回家後幾分鐘,的士司機打俾我,頭一次因為震機唔知,幾分鐘後佢第二次打嚟,我心諗,我哋係咪漏咗嘢喺車?」

原來是誠實的士司機「Sam哥」來電,Sam哥向Tony解釋事情,「接電話後先知,原來剛剛我俾咗$500、$100、$20各一張的士司機,佢話過返數俾我,我半信半疑俾咗戶口號碼佢,可能醉醉哋,我whatsapp咗戶口號碼俾佢⋯⋯」

不過事件仍未結束,原來Tony打錯了戶口號碼,令司機Sam哥無法轉帳,但Sam哥沒有放棄退款,到清晨司機下班,仍記掛著第一時間要尋回客人,詢問退款方法。Tony寫道「佢用Alipay過返俾我。咁證明咗佢真係用盡方法轉返$400俾我。」

Tony發文感激司機Sam哥誠實,且用盡方法聯絡他退款,他讚揚這種好人好事行為,又表示會將這退回的$400捐出,網民都表示這是完美結局。