醉酒男蠢計試老婆 衝出馬路俾車撞

19+

 

內地一名男子,為咗試驗老婆有幾愛佢,結果搞到俾車撞。

 

喺淅江,一名譯音姓潘男子,因事與太太嘈交,

於是外出飲酒。

飲大咗返屋企途中打俾老婆,又嘈過。

 

可能醉咗個人思路零舍與別不同,佢竟然聰明到想用呢招,

睇吓太太愛唔愛佢︰

就係衝出馬路,等太太拉返佢入去。拉呢,就即係愛嘞。

真係一頭黑人問號。

 

根據CCTV片段,起初太太都有拉返佢埋行人路,

可能潘生覺得測試未夠全面啦,

就繼續留喺路中心。

 

無耐,一架貨van駛過,將潘生一嘢撞到飛起。

好在送院救治後冇生命危險,但係頭骨胸骨都有骨折囉。

醒返之後,潘生梗係好後悔做呢個「測試」啦。

 

阿潘生,其實個「測試」喺你俾車撞之後先正式開始。

呢啲moment你老婆仲肯照顧你的話,

咪就係愛囉哈利。

原文傳送門

你可能還想看