醉駕楊明半山炒車 「撐警代言人」拒檢測送院 樂易玲首回應!

楊明醉駕犯法早有前科,昨晚疑因醉駕被捕,發生越線交通意外撞毁Benz,卻拒絕當場的警員要求「吹波波」,受了傷的楊明腳步浮浮被送往醫院。而無綫高層樂易玲今日回應楊明醉駕一事時,表示「可能他受了壓力」,經治療後已出院休養。

撰文:東方新地 圖片:新傳媒圖片、影片截圖

楊明半山炒車 滿車酒氣拒「吹波波」送院 樂易玲:可能壓力過大
楊明半山炒車 滿車酒氣拒「吹波波」送院 樂易玲:可能壓力過大

樂易玲出面 無綫最新回應:「楊明醉駕受輕傷」

對於楊明疑似醉酒炒車,被送往醫院,無綫電視助理總經理(藝員管理及發展)樂易玲回應謂:「據初步了解楊明昨晚駕車回家時發生意外,受了輕傷,幸好沒有涉及其他人。當時他可能因壓力過大、疲勞或其他狀況,汽車失控撞向路旁防撞欄和石壆,車頭毀爛。事後他被送往醫院,經治療後已出院。現時希望給予他時間休息,盡早痊癒,公司會進一步了解事情和向楊明提供所需的協助。」

楊明醉駕有前科 負聞纏身 霉足十年

05年楊明曾經因醉駕留案底的楊明,上次未有炒車,今次卻於半山豪宅區釀成越線車禍,出事後更拒絕「吹波仔(酒精測試)」,送院後被警方以涉嫌「酒後駕駛」拘捕。

楊明醉駕
醉駕藝人楊明早前車廂自拍,面戴政府派發「同心口罩」。

一線劇《迷網》播放中 下周結局都有醉駕場面!

楊明目前仍有一線劇《迷網》播放中,由於播剩五集,相信未會腰斬,巧合是下周即將大結局的劇集亦有一樁醉駕車禍。

迷網大結局
播放中的《迷網》下周大姞局,劇情都有一棒醉駕事件,如果現在開拍,說不定楊明又會多一份親身體會了⋯⋯
楊明醉駕
醉駕炒車藝人楊明去年11月出席澳門賽車活動。

冇監製敢用 「垃圾」變「男一」

近年「翻身」高調撐警兼經常飾演警察的楊明,私生活可謂「多姿多采」,楊明醉駕亦有前科,2005年於佐敦道中間行車線公然泊車,並睡在車中,當時接受酒精測試證實超標後被拘捕,被判罰款7,000元及停牌1年;2006年在夜店襲擊保安員被判守行為;近年被無綫力捧,卻曾涉網上「公審」空中務員再惹非議。

回憶十年前低潮期,楊明話冇監製敢用佢,只能做死屍、燒焦嘅屍體、強姦犯、敗家仔甚至等冇對白的角色,一做就六、七年。楊明話當時唔少監製都話死屍臨記做都得,問點解佢都肯做,但楊明認為做呢啲角色係自作孽,佢應得嘅!

楊明醉駕
楊明醉駕

楊明表示低潮期受過不少冷言冷語,試過在屋企樓下見到有對情侶經過,女生認出佢係藝人,楊明正想報以微笑之際,但男生好大聲咁話:「茄哩啡嚟啫!」又有一次更曾被街坊鬧係垃圾:「喺餐廳度食飯,隔離枱有位女士聽到佢想搵我影相,我已經諗住用微笑去迎接,點知佢旁邊男伴話『影咩吖!垃圾嚟,垃圾你都影』!」楊明直言肉體上冇傷害,但心靈上感到很受傷。不過楊明認為都係因為自己犯錯,先至會承受外人呢啲說話,楊明浪子回頭,認為努力和時間可以令大家對佢改觀,結果他成功了,如今是大台「男一」!他直言想默默做番好自己,畀人見到一舊「垃圾」的改變。

楊明醉駕
楊明醉駕

楊明犯法 重讀訓練班

楊明喺去年接受本刊訪問,回應早年惹官非,剖析自己犯法心態:「可能十八歲初初出嚟,都係公司力捧,好多嘢理所當然,變咗好容易放棄一啲機會。依家大個仔咗,知道呢啲 機會唔係隨時都會有,所以會珍惜啲。」

講到過去嘅多樁官非,問楊明嗰時係咪少不更事?畀佢返轉頭嘅話會點行?佢回應:

「如果畀我返番轉頭,我梗係選擇定性啲,但我又唔後悔經歷咗咁多嘢,因為如果我嗰時唔係經歷咁多事,可能好唔識珍惜機會,或者可能變咗好扮嘢、唔識尊重人嘅人。我睇到呢行好多人,係爭一啲機會去表現自己,但我一個人,去浪費咗咁多機會,我好似浪費緊其他人好渴望嘅機會。好多同事喺我無乜嘢做嘅時候同我講:『你畀心機啦,畀著我哋犯你犯嘅任何一件錯事,公司可能都唔會繼續留我喺度!』呢句說話好入到我心,因為我犯咁多次事,公司真係有權唔同我續約,所以我唔應該再浪費機會。」

楊明醉駕
好多同事喺我無乜嘢做嘅時候同我講:『你畀心機啦,畀著我哋犯你犯嘅任何一件錯事,公司可能都唔會繼續留我喺度!』
楊明醉駕
繼05年被控醉駕後,07年楊明再醉酒在便利店鬧事,被控刑毁罪成。

楊明:「多謝睇唔起我嘅人!」

身邊同事同傳媒嘅嘴臉有無開始改變?楊明憶述:「其實喺低沉嘅時候,見到好多嘢嘅,低沉嘅時候,睇到好多人生百態,好多謝好多喺我低沉嘅時候,鼓勵過我嘅人,但亦好多謝有啲睇唔起我嘅人,有好多唔好聽嘅說話,或者唔好睇嘅面口我都睇過。其實有啲市民都會,有啲後生啲嘅觀眾,會有一啲難聽啲嘅說話,咪當聽唔到囉!我好多謝公司大部分嘅幕後,工作人員,同最鼓勵我嘅化妝、梳頭、服裝,佢哋由細睇到我大,每次見親我都不停鼓勵我,有啲甚至鬧我、問我做咩唔畀心機,好多謝佢哋陪伴我度過嗰啲低沉嘅時間。」

楊明醉駕
2011年拍《誰家灶頭無煙火》,令楊明成功洗底入屋。
楊明醉駕
除香港外,楊明近年在馬來西亞和新加坡亦先後攞到飛躍進步獎。

試過十八個月無糧出

經濟上,有無捱過麵包?楊明直言:「梗係有啦,啱啱入訓練班嘅時候,生活指數都係低少少,我諗一個文員有七、八千蚊人工,我哋訓練班入去就係三千五蚊,咁唔夠㗎嘛,點都係問媽咪攞㗎嘞,媽咪都撐咗好幾年㗎,到我訓練班出咗嚟幾年,我開始犯事,最艱辛就係我第二次入訓練班嗰半年,嗰半年因為入訓練班停工,要還之前簽落嘅騷公畀公司,嗰時公司仲要停我人工,停咗十八個月,之前儲落嘅錢都用得七七八八,好彩仲有啲模特兒工作,好少錢但都叫撐得住,嗰時係要問十三期訓練班嘅同學借錢,好艱辛先捱完嗰十八個月。嗰十八個月係最慘,要返工、即係要使錢,但又無糧出。」終於守得雲開攞「飛躍進步獎」,楊明笑言:「你見我上台笑自己咁老、叫自己『老飛』,其實心底我係好開心㗎,因為由公司有頒獎禮開始,我就好想攞呢個獎,因為我之前喺新加坡同馬來西亞都攞咗,係爭香港自己公司嘅獎未攞,好恨儲齊,呢個獎我恨咗好耐。」經常被派演奸角,有無唔開心?「無㗎,因為我知道自己做錯吖嘛,我嗰時乜嘢都無,我仲有咩資格去介意做咩角色呢!同埋做演員,唔應該介意做咩角色,同埋每個角色,只要做得好,都會畀人睇到。」

楊明醉駕
楊明醉駕

楊明自爆最初入行是為演消防員圓紀律部隊夢,「點知我做咗呢行二十年,都未做過消防員角色。」

楊明醉駕
四次提名「飛躍進步男藝員」的楊明終於獲得該獎,他不忘自嘲一把年紀才獲飛躍獎。
楊明醉駕
楊明醉駕

延伸閱讀:

楊明醉駕犯法?楊明半山揸Benz炒車!滿身酒氣拒「吹波波」送院

【迷網大結局劇情21-25集劇透】陳曉華目睹朱敏瀚車禍、高海寧遇襲昏迷楊明不離不棄