醫學研究發現 用得手機多 後尾枕長角?!

19+

 

望電話望得多,對眼唔好、對個腦唔好、對人際關係唔好,

而家仲話會令你多隻角!

 

2位澳洲學者一項進行多年嘅研究,

發現年輕人嘅頭骨,出現微微凸起嘅「角」,

懷疑同手提電子裝置有關。

 

人稱「姿勢醫生」嘅脊醫David Shahar,見過唔少x光片,

發現好多年輕病人嘅後尾枕,出現一個尖尖地嘅突出部份。

於是佢同另一位學者Mark Sayers,研究200幾張18-30歲青年人嘅頭頸x光片。

當中有41%都有呢隻「角」,長度由1cm至3.5cm不等。

而喺十年前,有呢隻「角」嘅年青人並唔多,

當時的醫學界推斷,係同年紀有關。

 

但係去年David Shahar同Mark Sayers嘅研究又搵到另一個情況,

年青人同老年人都有呢隻角,

但係30-50歲嘅人又冇咁常見。

於是2位推斷,用得手提電子裝備多,頭部經常處於向前靠近螢幕,

令頭部後方的肌肉負荷大咗,骨骼亦相應增生,於是就有呢隻「角」。

 

佢地估計智能裝備只係興起大約十年,日後可能會有更多相關健康問題產生,

希望研究可以引起各方留意,改善姿勢。

原文傳送門

你可能還想看