釋小龍上載合照 網民齊嗌暴瘦吳孟達保重身體

1994年電影《笑林小子2：新烏龍院》由吳孟達、張衛健等人主演，電影紅遍中港台，連童星郝劭文及釋小龍都深受觀眾喜愛，而家已經成為唔少人嘅童年回憶。事隔26年，電影主角吳孟達同釋小龍喺中秋節合體，相中嘅達哥雖然精神唔錯，但體型明顯比之前瘦咗一個碼。

喺前日，釋小龍上載相片到微博，並留言：「過節啦」，「達哥伯伯節日快樂啊」。唔少網民見到二人合照後，除咗留言祝佢哋節日快樂之外，更留言話係回憶：「哇 滿滿的回憶」、「童年的回憶！達叔小龍」、「我們80後的回憶！」、「曾經的一切浮現眼前」及「看到照片 真是滿滿的回憶 真是歲月如梭」等等。另外，亦有網民見到達哥瘦削身型，叫佢好好保重身體，留言話：「達叔老了，我們都長大了，保重身體達叔」、「差點沒認出來，小龍長大了，達哥老了！」、「達叔這麼瘦了，多吃點」及「達叔好瘦啊，注意身體」等等。