重金誘簽約 關禮傑帶索女 殺入無綫

東方新地 - 娛聞
東方新地

近年無綫實力花旦買少見少,所以致力培育新血,出身無綫藝員訓練班的關禮傑,有兩個顏值超班的索女兒一早人所皆知,23歲大女關楓馨 (Fabienne) 有樣有身材,早於前年已經被無綫睇中,力邀佢參選港姐,不過當時Fabienne仍未完成大學課程,無綫始終過唔到老竇一關。事隔兩年,原來無綫一直未放棄,為咗唔想走寶,近日就出動重金利誘,密斟關禮傑帶愛女加盟無綫旗下,父女檔上陣拍劇。

撰文:東方新地|圖片:新傳媒圖片庫、Instagram

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

關之琳原來是個「真格格」!娛樂圈7位有滿清貴族血統的藝人

關禮傑索女 被遊說選港姐

與梁朝偉吳鎮宇同是第11期藝員訓練班學員入行的關禮傑,早年轉攻內地發展,直至03年重返無綫不時在劇集演出被讚,近日深宵重播的《珠光寶氣》,關禮傑演陳豪情敵,猛烈追求黎姿的報紙檔大叔,演出勁搶。現實生活,56歲關禮傑應該是「順流大叔」,除咗多年來外形keep 得好,仲有兩個顏值超高的索女兒,家庭幸福圓滿,23歲大女關楓馨一直被無綫虎視眈眈。

56歲關禮傑唔單止外形keep得好,還育有兩個靚女兒,23歲大女關楓馨更加遺傳咗父母的精緻五官,樣子甜美可人,一把捲曲長髮更加氣質滿瀉,難怪會畀TVB睇中重金力邀加盟。
56歲關禮傑唔單止外形keep得好,還育有兩個靚女兒,23歲大女關楓馨更加遺傳咗父母的精緻五官,樣子甜美可人,一把捲曲長髮更加氣質滿瀉,難怪會畀TVB睇中重金力邀加盟。

家有索女初長成,早於16年已經有高層睇中,落力游說關禮傑讓又靚又高學歷的大女兒參選港姐。據知情者透露:「其實三年前已經有品牌搵楓馨出活動,Eddie (關禮傑) 都好贊成佢當玩票性質咁攞吓經驗,冇諗過個女一出嚟已經咁受關注,無綫嗰邊好快就𥄫中佢,啱晒港姐要 求,就游說Eddie畀個女參選,除咗睇中楓馨樣貌夠標青,亦覺得星二代參選好有話題性,不過嗰時楓馨大學未畢業,Eddie覺得難得個女讀書叻,想個女完成大學課程先至諗!」

關楓馨曬得一身陽光蜜糖膚色,加上顏值高班,真係索過唔少香港小姐。
關楓馨曬得一身陽光蜜糖膚色,加上顏值高班,真係索過唔少香港小姐。

父女檔拍劇

近日無綫再落力游說關禮傑帶索女加盟父女檔拍劇。據知情者透露:「除咗班實力演員,其實TVB班監製,都好想用有青春有氣質嘅新面孔,以前Eddie成日會帶個女出嚟見班老友,傑嫂又會帶女去探班,班監製知道佢個女條件好出眾,個樣又夠甜美,加上楓馨前年大學畢業,依家可以話係最啱時機,梗係想簽佢入TVB啦!呢排無綫班高層就成日約Eddie出嚟密斟,話晒Eddie同無綫合作慣,仲提議佢哋父女檔一齊拍劇,等第一次拍劇嘅楓馨有爹哋喺度教路冇咁緊張,有監製仲話度身訂造劇本同角色畀佢哋㖭!」

相比唔少星二代經常豪放派福利,關楓馨個人社交網就極少放自己性感相,性感水著潛水絕對係難得一見。
相比唔少星二代經常豪放派福利,關楓馨個人社交網就極少放自己性感相,性感水著潛水絕對係難得一見。

學校風頭躉多人追

外表充滿陽光,性格爽朗的楓馨,除咗吸引到無綫高層垂青,身邊更不乏狂蜂浪蝶追求,曾經一度搞到爹哋關禮傑好頭痛。據知情者透露:「楓馨細細個已經成日畀人讚佢靚女,讀高中時已經好多狂蜂浪蝶喺身邊氹氹轉,作為父母,嗰時Eddie同老婆都好緊張,睇得個女好緊,成日同阿女講識到男同學仔都可以帶畀佢哋見吓,好彩個女好生性又識諗,對感情好專一唔係玩玩吓,同依家個鬼仔男友Kris,拍咗拖都幾年好穩定,完全唔使父母擔心!」

鬼仔男友Kris高大威猛,兩人拍拖以來就經常放閃,感情相當穩定。
鬼仔男友Kris高大威猛,兩人拍拖以來就經常放閃,感情相當穩定。

交女兒決定

對於女兒是否入行,關禮傑持開放態度,入行三十幾年,當然清楚呢行遊戲規則,幾好條件都要有 運先得,所以佢將決定權交番畀個女。據知情者透露:「佢話最緊要個女鍾意,絕對唔會左右個女嘅諗法,會畀佢自己決定,上年楓馨去咗英國修讀碩士,佢話如果個女有興趣,佢唔會反對佢畀佢入行試吓,佢都覺得個女汲取社會經驗,樣樣試吓,先知乜嘢最啱自己,而傑嫂都好贊成個女入娛樂圈發展!」

既然無綫誠意十足,加埋老竇關禮傑開綠燈,睇嚟無綫好快又多個花旦生力軍。

大女前年在英國大學畢業,兩公婆連同細女飛到英國觀禮,之後還一齊到意大利旅行,大女的鬼仔男友Kris更全程陪到實,似乎早已融入關家。
大女前年在英國大學畢業,兩公婆連同細女飛到英國觀禮,之後還一齊到意大利旅行,大女的鬼仔男友Kris更全程陪到實,似乎早已融入關家。

演出夠搶

近日深宵重播的《珠光寶氣》,關禮傑同黎姿有感情線,戲份極重。

關禮傑
關禮傑

密密登台

除咗同無綫以部頭約形式合作,關禮傑在國內亦有一定知名度,幾乎每星期都會到內地登台賺人仔,好受歡迎。

關禮傑
關禮傑

自封代表作

仍未出街的新劇《是咁的,法官閣下》,關禮傑演自我又自悲的法官,他更形容角色是他近年的代表作,令人充滿期待。

關禮傑
關禮傑

每年都起碼拍無綫一套重頭劇,上年台慶劇《誇世代》一樣有關禮傑份演出,同江美儀做夫婦,又係戲份重角色。

關禮傑
關禮傑

同偉仔同期

關禮傑是無綫第11期藝員訓練班學員,同期學員有梁朝偉、吳鎮宇、張兆輝等。84年參演《新紮師兄》,劇中關禮傑同梁朝偉、劉青雲及呂方一齊投考警員,演性格懦弱的好姐。

關禮傑
關禮傑

30年老友

跟張兆輝同是無綫第11期藝員訓練班學員,原來兩人私交甚篤,不時帶埋另一半相約聚會。

關禮傑
關禮傑

留港等開劇

關禮傑趁未開劇,日前相約明星足球隊成員踢波練氣,同老友黃日華等踢完波,性格不拘小節的他,更熱到除衫只搭住毛巾就行去攞車,難得56歲仍能keep到身上冇乜贅肉。

關禮傑
關禮傑
關禮傑
關禮傑

初露鋒芒

關禮傑同老婆梁安娜結婚28年出名恩愛,更育有兩個索女兒,兩個女未畢業已經被各界虎視眈眈!

帶女出巡

15年關禮傑帶埋兩個女一家四口出席仁濟除夕倒數派對,當時20歲樣子甜美的大女關楓馨已經惹傳媒關注。

關禮傑女
關禮傑女

母女檔

三年前20歲的楓馨曾玩票性質孖住媽咪一齊出席護膚品活動。

關禮傑女
關禮傑女

三條Queen

兩個女兒同媽咪如同倒模,家有三條Queen的關禮傑,家庭大滿貫都算人生勝利組!

關禮傑女
關禮傑女

Tiffany / Fabienne 🍋🌻(@tiffanyfabi)分享的貼文 於 PDT 2018 年 7月 月 18 日 上午 6:34 張貼


Tiffany / Fabienne 🍋🌻(@tiffanyfabi)分享的貼文 於 PST 2017 年 2月 月 8 日 下午 2:10 張貼


Tiffany / Fabienne 🍋🌻(@tiffanyfabi)分享的貼文 於 PST 2016 年 11月 月 17 日 上午 1:50 張貼


Tiffany / Fabienne 🍋🌻(@tiffanyfabi)分享的貼文 於 PDT 2016 年 9月 月 24 日 上午 1:58 張貼


【延禧攻略】原班人馬開新劇!《皓鑭傳》邊個冇得留低?

有情有義 情路坎坷!邵美琪 靚足33年

【港姐2018】港姐踏入45年!細數10項歷屆冠軍之最

【再創世紀】周柏豪靠鼻哥窿搶鏡? 網民:睇到好尷尬!

周柏豪
周柏豪

【再創世紀】女主角鬥喊功 鍾嘉欣、楊怡、周勵淇邊個最慘?

【延禧攻略】光頭定有頭髮靚仔啲?盤點《延禧》三位小鮮肉chok爆對比照

光頭
光頭

延伸閱讀:

基因強大 贏在起跑線!最索星二代逐個捉

其他內容