金像獎2025 紅地氈 點評｜出爐影后衛詩雅造型仙氣滿滿 盧慧敏大露背激加分
《第43屆香港電影金像獎》已於昨日（27日）圓滿落幕，電影《九龍城寨之圍城》勇奪9個獎項成為大贏家。金像獎為年度盛事，眾演員皆悉心打扮，並走過於文化中心外嘅紅地氈，星光熠熠，馬上為你回顧金像獎紅毯盛況。
陳法拉
陳法拉所選嘅造型一向傾向簡約高貴為主，今次出席《第43屆香港電影金像獎》都唔例外，選以CHANEL金色吊帶晚裝登場紅地氈，剪裁俐落加上閃閃元素氣質滿滿，瞬間成為全場焦點，更奪得「最佳衣着獎」獎項。
王丹妮
以清爽短髮亮相嘅王丹妮穿上銀色Deep V晚裝，除咗Deep V到胸下位置，肚位更加係帶有蝴蝶形狀嘅cut-out設計，極為性感。
楊偲泳
好身材代表楊偲泳每次都能憑性感打扮突圍而出，今次雖然唔係著低胸仲包到上頸，但亮點在棕色貼身晚裝嘅腰間cut-out和露背設計，露出螞蟻腰和美背，加上貼身剪裁將S形身型表露無遺。
盧慧敏
盧慧敏以黑色褲裝造型出席金像獎，上身為透視設計，露出內裡嘅Tube top並大曬Fit爆身材，背面仲要原來係大露背，即時超級吸睛。
陳蕾
向來走型格路線嘅陳蕾今次竟然失手，陳蕾穿上Ferragamo黃色晚裝登上紅地氈，雖然有個大露背睇吓，但黃色明顯唔襯陳蕾。
衛詩雅
衛詩雅帶埋老公齊齊踏上紅地氈，相當甜蜜。衛詩雅選以FENDI白色單肩高級訂製服出席，晚裝綴滿手工縫製珠飾，有睇頭又唔浮誇，仙氣滿滿。衛詩雅亦憑《破．地獄》奪影后，老公於席上感動到哭成淚人。
許恩怡
「國民初戀」許恩怡穿上花花吊帶晚裝出席，中門大開，被網民批身材平平無奇，但幸好可愛甜美嘅外貌與青春搭救。
余香凝
於上屆金像獎獲得最佳女主角嘅余香凝，以牛仔布料嘅露肩長裙亮相，展現獨特優雅嘅仙氣。
蔡思韵
蔡思韵以白色造型現身，盡顯其仙氣一面。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
