雅虎香港新聞 「金句王」方東昇返嚟啦！新節目《這麼遠，那麼近》將於今晚播出
無綫新聞主播方東昇，過往曾經主持節目《世界零距離》、《長命百二歲》及《世界觀》，喺節目中佢經常拋出創意爛gag金句，例如「一試無妨，再試投降」、「路遙知馬力，啲汗係咁滴」及「工欲善其事，唔好發脾氣」等等。由佢主持嘅節目好睇又有資訊性，除咗成為大家嘅討論話題之外，佢亦被稱為「金句王」。
最新節目《這麼遠，那麼近》由方東昇、黄靖婷及李曉欣主持，主要講重慶、泰國、美國同巴基斯坦嘅交通情況及設施，其實節目喺今年5月已經於無綫新聞台播出，當時節目以每集三分鐘嘅形式播出，節目風格繼續係要認真有認真，要搞笑有搞笑，而方東昇當然冇令大家失望，繼續大爆金句。
《這麼遠，那麼近》重新剪接後，將會由今晚10點半開始接《女人必學100道菜》棒，一連十集，每集三十分鐘播出。 而家就搵咗小小《這麼遠，那麼近》嘅金句，等大家期待一下節目嘅播出喇！
劇集部分金句：
呢條長命樓梯，真係長命百二歲都未行得掂。
電梯唔只有扶手，仲有人『扶著你走』。
睇落唔單只車主幸福，連車都好幸福，天荒地老流連在摩天輪。
知唔知世界上最長嘅車係咩車？係塞車！
成日諷刺人又要威又要戴頭盔，其實戴咗頭盔先有命去威。
搭車要戴安全帽，流汗總比流血好。
獨自去carpool，惟有收告票交罰款。
太空人一小步，人類一大步，我哋架車學咗太空人一小步，一小步。
人可以離地，但唔可以太離地。
馬路有限，司機嘅牢騷無限。
巴基斯坦坐車，你會發覺世界最大嘅空間，唔係進步空間，係車嘅空間！
睇唔穿係魔術，睇唔明就係藝術。
