金宵大廈2| 林子善顧家愛妻好男人 買樓贈父母兼助兄上車

《金宵大廈2》林子善
《金宵大廈2》林子善

由陳山聰、李施嬅主演的《金宵大廈2》劇情懸疑又緊湊,每集都掀起網民熱烈討論。劇集一共有10個單元,即係每兩集為一個單元。噚晚劇集就播出第三個單元「城寨英雄GO!」,搵嚟韋家雄及林子善主演,雖然故事最後唔係happy ending,不過劇情感動及令人反思。

「城寨英雄GO!」劇情講到鍾意打機兼患有漸凍症嘅任天堂(劉頌鵬飾)失蹤,爸爸任世嘉(韋家雄飾)知道囝囝最後出現於金宵大廈網吧,亦相信囝囝及其三位網友被吸入遊戲世界。任世嘉亦決定登錄遊戲,尋找天堂嘅下落。佢哋化身成為城寨英雄主角,只要要成功闖關,先可以離開遊戲世界,期間佢哋發現NPC角色畢得了(林子善飾)就係天堂。畢得了恢復現實世界記憶,不過就被BigBoss(歐瑞偉飾)捉住,佢見到爸爸同朋友有危機後,終極「升呢」打敗BigBoss。最後天堂決定留喺遊戲世界繼續追夢,爸爸亦尊重佢嘅意願,而現實中嘅天堂就因而離世。

現年39歲嘅林子善,於1998年喺電影《戲劇之王》中飾演古惑仔洪爺一角出道,之後佢同外界都以為自己簽約周星馳公司星輝海外有限公司成為旗下藝人,原來多年嚟都係田啟文以個人名義簽佢,甚至一直私人支付薪金俾佢。多年嚟林子善接拍多部電影作品,例如《三五成群》、《化骨龍與千年蟲》、《少林足球》、《我左眼見到鬼》、《功夫》及《心想事成》等等。之後,佢喺2005年加入無綫,雖然佢飾演配角居多,例如《秀才遇著兵》、《奸人堅》、《學警狙擊》及《鐵馬尋橋》等等。多年嚟默默耕耘嘅佢,終於喺2011年成功憑《怒火街頭》米佐治一角獲得《萬千星輝頒獎典禮》「最佳男配角」及「飛躍進步男藝員」提名。

至於感情方面,林子善與拍拖多年嘅女友董佩欣(Kary)於2017年喺馬爾代夫簽紙兼拍攝婚紗照,2018年補辦婚禮。喺2019年林子善榮升爸爸,Kary誕下囡囡,一家三口幸福美滿。婚後二人一直十分恩愛,不時喺社交網站po相大晒恩愛,佢有時間就會陪老婆同囡囡,係名副其實係「愛妻號」及顧家好男人。

自細喺屋邨長大嘅林子善,指自己年輕時冇諗過可以上車買樓,亦唔識得守財。佢曾經指自己5度置業,當中有兩次係非自己有長遠計劃下嘅「被置業」,亦因為多年嚟睇到父母同哥哥嘅「反面教材」而學懂理財。林子善非常顧家,佢曾經將一個屯門自住單位出售,並將賺到嘅錢轉購三層高村屋俾父母,而自己就因為打理餐廳生意而喺港島租樓住。佢亦試過將自己嘅老婆本借俾哥哥做首期,幫助佢成功置業。另外,林子善喺2015年以4百多萬購入東涌一個高層單位,持貨3年半後以600萬售出,賬面勁賺141萬。

林子善
林子善
林子善
林子善
林子善
林子善
林子善
林子善
林子善
林子善
林子善
林子善
林子善
林子善
林子善
林子善
林子善
林子善
林子善
林子善

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!