銅鑼灣新開日式燒肉店 分店限定午巿燒肉套餐 + 晚巿燒肉放題

·2 分鐘文章

食燒肉,最緊要就係有靚肉食。之但係燒肉放題嘅話,肉嘅質素通常都比較一般。銅鑼灣新開嘅呢間燒肉放題店就打破大家對燒肉放題嘅諗法,供應4款日本直送嘅靚和牛。而且更設有分店限定嘅午巿燒肉套,同埋喺新張期內贈送指定和牛菜式!牛魔王要度個時間去拜會下了。

銅鑼灣新店佔地約4000呎,裝潢簡約,以淺色木系傢俱呈現日本近代風格,燒肉抽風系統更係特別訂製,燒完成餐都唔使怕好大陣味咁返屋企。餐廳主要引入肉味濃郁、口感軟嫩嘅伊賀牛、油分重嘅姬路牛、脂肪比例均勻、口感清爽嘅宮崎牛,同油花豐富嘅鹿兒島牛,重有美國同澳洲和牛。

午巿定食:招牌和牛肉燒肉套餐(黑毛和牛三種類)
午巿定食:招牌和牛肉燒肉套餐(黑毛和牛三種類)
午巿定食:一郎拼盤
午巿定食:一郎拼盤

而為咗照顧附近打工一族,新店特別增設15款平日嘅午巿定食同燒肉套餐,包括招牌和牛肉燒肉套餐(黑毛和牛三種類)三角腹肉、里脊肉、西冷;另外重有豐富嘅一郎拼盤,豬雞牛肉加海鮮都有。

其中,三角腹肉油脂相對較多,食落啖啖甘甜;里脊肉 口感柔軟,西冷嘅肉味則最濃郁,各位肉食獸可以各取所需。

 120分鐘燒肉放題套餐
120分鐘燒肉放題套餐
小舟盛合
小舟盛合

至於大家最關注嘅晚巿120分鐘燒肉放題套餐,則有6款,最平$348起。價錢愈貴嘅,可揀嘅牛肉種類當然都愈多。除咗牛肉之外,每款套餐都會跟一個擺盤靚靚仔仔嘅小舟盛合,包有幾款牛肉、豚肉、雞肉同埋多款海鮮及蔬菜,豐富得嚟重好啱打卡。

 是日寶盒
是日寶盒

其中3個套餐更包有是日寶盒,每次去打開寶盒都會有唔同嘅驚喜,例如開飯仔採訪當日,一開盒就飄出一陣仙氣,之後就見到一大塊和牛西冷,面頭重有金箔𠻹!

燒牛肉火山
燒牛肉火山
火焰烤西冷
火焰烤西冷

另外,餐廳設有自助區,供應超多款食品同飲品,新鮮沙律丶飲品丶甜點同軟雪糕都係每日無限量供應。喺新張期內,只要全枱完成指定動作,即可獲贈一款限定牛肉菜式。無論係燒牛肉火山定火焰烤西冷,視覺效果都係一流!

和牛燒肉一郎
和牛燒肉一郎

和牛燒肉一郎
地址: 銅鑼灣波斯富街24-30號寶漢大廈2樓

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能