銅鑼灣新開韓式紙盒吐司專門店!足料軟殼蟹滑蛋/泡菜豚五花芝士口味

OpenRice開飯喇

最近韓式紙盒吐司當道,銅鑼灣都新開咗一間!店主話因為喺韓國食過當地嘅吐司覺得唔錯,但口味只有煙肉及蛋等,略嫌太單調,所以就自創咗一系列混合港式元素口味嘅吐司,全部都好足料又打卡able!而且連吐司都選用自家製麵包配方,本身帶些少甜味,用牛油煎香後外脆內軟。

銅鑼灣新開韓式紙盒吐司專門店!
銅鑼灣新開韓式紙盒吐司專門店!
銅鑼灣新開韓式紙盒吐司專門店!
銅鑼灣新開韓式紙盒吐司專門店!

軟殼蟹親子滑蛋($68)

吐司放入經油炸嘅原隻軟殼蟹、炒滑蛋、葡萄黑醋醬及蟹籽,原隻軟殼蟹多肉而且炸得香脆,蟹籽亦增添口感。葡萄黑醋醬及泰國柑桔有助中和油炸嘅油膩感,係鐘意「相機食先」朋友嘅首選!

銅鑼灣新開韓式紙盒吐司專門店!
銅鑼灣新開韓式紙盒吐司專門店!

泡菜豚五花芝士滑蛋($53)

鐘意韓式口味嘅一定唔可以錯過呢個泡菜豚五花吐司~加咗香辣惹味嘅豚五花、芝士、炒滑蛋、炒香過嘅泡菜及新鮮泡菜,味道層次零舍豐富。

銅鑼灣新開韓式紙盒吐司專門店!
銅鑼灣新開韓式紙盒吐司專門店!

慢煮雞胸牛油果溫泉蛋($55)

使用慢煮技術,雞胸仍然保持嫩滑,味道帶淡淡檸檬香氣。另外加埋人氣Super food牛油果及溫泉蛋等配料,適合想食得有營健康嘅朋友。

銅鑼灣新開韓式紙盒吐司專門店!
銅鑼灣新開韓式紙盒吐司專門店!

黑松露大啡菇滑蛋($45)

選用原個大啡菇,多汁而且菇味香濃,加埋滑蛋同黑松露醬好match!

銅鑼灣新開韓式紙盒吐司專門店!
銅鑼灣新開韓式紙盒吐司專門店!

忌廉芝士醬香辣雞粒($38)

呢個小食香辣雞粒配上自己調忌廉芝士醬,醬汁加入檸檬成件事就無咁漏喇~

銅鑼灣新開韓式紙盒吐司專門店!
銅鑼灣新開韓式紙盒吐司專門店!
銅鑼灣新開韓式紙盒吐司專門店!
銅鑼灣新開韓式紙盒吐司專門店!

生命有限工司   

地址: 銅鑼灣希雲街28號地舖

文: Yanica

相、片: Calvin Kwok

你可能還想看