雅虎香港新聞【銅鑼灣美食】美國龍蝦專門店Red Lobster到港！推$300牛扒+龍蝦海鮮大餐
香港人向來都是海鮮迷，不時會到香港仔、西貢等食海鮮大餐，就算食自助餐時，亦會考慮餐廳海鮮款式多不多。臨近聖誕節，是時候開始要預約餐廳慶祝，銅鑼灣新開的美國過江龍「Red Lobster」主打龍蝦、大蝦跟蟹等菜式，餐牌中更有七成菜式都包含龍蝦，完美符合聖誕大餐要求！重點是Red Lobster價錢相宜，減低荷包的出血量！
【立即讚好】全新 Yahoo Food Facebook 專頁
Red Lobster成立於1968年，本來只是間位於佛羅里達州的家庭式餐館，但由於得到投資者賞識，因此迅速發展，並到各國開店。直至現在，超過50年歷史的Red Lobster已成功在日本、中東、北京、馬來西亞等地大展拳腳，至現在全球已有超過700間分店，這次在香港開店，選擇了銅鑼灣較為安靜的加寧街，樓高兩層，亦設有VIP房，方便喜歡聚會的港人！
免費任食車打芝士鬆餅 熱辣辣入口冇得輸
餐廳位於Fashion Walk，旺中有靜，在店門掛上大大隻紅龍蝦招牌，十分醒目。既然是海鮮餐廳，除了店內裝修充滿美國海岸風情，一進門就能看到龍蝦缸裏的生猛龍蝦跟你打招呼，加上鄰座餐桌飄來的海鮮香氣，讓人彷似步入了大海當中用餐。
在柯打前，餐廳奉上我覺得差不多是全店最大的亮點－車打芝士鬆餅，熱辣辣的芝士鬆餅比起不少麵包店做得還要好，鬆化得幾乎用不上半點力便能把鬆餅分為一半，芝士味道不會死鹹，放進口後亦不會只有麵粉的感覺，兩、三口便將鬆餅消滅。最過份的是，這個鬆餅更是任食的，就算是再忍口，我也忍不住吃了兩個，用盡力氣才能拒絕侍應再多夾一個給我。
地區限定驚喜有限 避風塘炒龍蝦最抵食
打開餐牌，Red Lobster選擇的確不少，大多數都是集中大蝦與龍蝦的菜式，龍蝦主要選用美國貨，有三至五款用作不同的龍蝦菜式。餐廳亦為香港店特意創作了幾款地區限定，當中包括港式避風塘炒龍蝦、黃金炸大蝦跟奶茶意式鮮奶凍，可惜驚喜度有限。
三者當中，避風塘炒龍蝦做得最好，首先大廚已經預先處理龍蝦殻，吃時不會太狼狽，龍蝦爽口，只可惜略嫌不夠惹味。黃金炸大蝦跟大排檔的根本沒法比，蝦隻太小，鹹蛋味亦不夠香口，最後的奶茶意式鮮奶凍雖然味道不錯，但加上珍珠，實在想不到與香港的關係，如果是台灣的地區限定菜式似乎更加合理。
海鮮招牌菜$318包龍蝦蟹腳 $300唔洗食龍蝦加牛扒
比起香港限定，Red Lobster本身的招牌菜更加吸引，夏威夷椰子蝦將大蝦包着用椰絲炸香，再配上自家製的椰香醬，十分開胃。無敵海鮮大餐有齊原條北美龍蝦尾、蒸煮雪蟹腳、招牌蒜蓉蝦及酥脆炸蝦，搭配海鮮醬和熱牛油醬，價錢只是$318，兩至三人分享都不成問題。想吃牛扒的，海陸雙鮮就有7安士的牛扒跟原條北美龍蝦尾，最便宜的$300有找，絕對有聖誕大餐的感覺。
Red Lobster最吸引的除了是價錢親民，配搭多變更是一個大賣點，除了龍蝦外，還有薄餅跟意粉等菜式。雖然餐點味道不至於驚人，卻能安撫想吃海鮮，但預算有限的食客。現時Red Lobster已經開放訂座，但是午市只限六人以上訂座，晚市則沒規定訂座人數。
相關文章
【銅鑼灣美食】意大利米芝蓮二星主廚監修！主打Piedmont菜配白松露
【銅鑼灣美食】4間酸辣粉比拼：香港酸辣粉始祖都輸！冠軍竟然係……
Red Lobster
地址：銅鑼灣Fashion Walk加寧街8號地下（地圖按此）
電話：2261 2996
營業時間：星期一至四、日 11:30am-10:00pm
星期五至六 11:30am-11:00pm
文：Tung
