銷情慘淡!日本松葉蟹王破新低價售出
疫症令日本失去99.9%海外遊客,唔單止重挫旅遊業,連帶飲食業同樣係嚴冬。踏入11月一向係松葉蟹季節,日本又以鳥取縣松葉蟹最為有名,每年都會拍賣當年捕捉到嘅蟹王,亦視為今年蟹季價錢指標。日前呢隻蟹王就於拍賣會中賣得50萬日圓(約35,000港元),比上年足足跌咗90%!
有所不知,鳥取縣自2015年開始對松葉蟹推出認證製度,最高級別嘅松葉蟹會得到「五輝星」之稱譽,被掛上名牌,其中必須合乎5大條件,包括重量達1.2公斤、蟹腳排列完整、顏色鮮艷等肉質緊實豐滿等,每年僅有0.02%松葉蟹得到「五輝星」稱譽,可以話係頂級中嘅頂級。日後疫症完結,大家去到鳥取縣食松葉蟹,記得要識揀喇!
相關文章: