鋼鐵人背包登場 英國山難救援隊正式使用

·1 分鐘文章

去旅行好多人喜歡挑戰名山大川,不過山路險要,好多時意外都因為行山而起。一直以嚟各國救援行山人士嘅方法都係用直升機,但畢竟唔係每一處地方都可以用直升機直接到達,加上好多時因為天氣關係都未必可以使用直升機。

日前英國空中救護大隊就用上一款用新科技,被稱為「鋼鐵人背包」嘅背式噴射器,成功完成一次演習!演習於英國西北湖國家公園中舉辦,模擬一位遊客於山中掉落受傷被困,由「鋼鐵人背包」公司創辦人Richard Browning親身上陣,由谷底起飛跨越多個山頭去到受傷遊客身旁,只係用咗90秒就可以去到平時要行半個鐘嘅山路地區。「鋼鐵人背包」於手臂和背部安裝5個推進器,最高時速為51公里,高度限制為3658公尺,可以適用於任何海拔1000公尺高嘅山之中。據講日後背包仲可以適用於旅遊業之上,發展「鋼鐵人」式空中觀光之旅。

用咗90秒就可以去到平時要行半個鐘嘅山路地區。 (圖:Gravity Industries)
用咗90秒就可以去到平時要行半個鐘嘅山路地區。 (圖:Gravity Industries)
「鋼鐵人背包」於手臂和背部安裝5個推進器,最高時速為51公里。 (圖:Gravity Industries)
「鋼鐵人背包」於手臂和背部安裝5個推進器,最高時速為51公里。 (圖:Gravity Industries)
「鋼鐵人背包」公司創辦人Richard Browning親身上陣。 (圖:Gravity Industries)
「鋼鐵人背包」公司創辦人Richard Browning親身上陣。 (圖:Gravity Industries)

相關文章:

周末一日遊元朗綠色之旅-diy迷你盆景農場考察隱世素食店

日本動物園北極熊變綠色-獸醫本來就不是白色

消毒太難-芝加哥水上巴士全年停駛