錢嘉樂、盧惠光出席聚會 昔日武打影星重聚 60+仍風騷英俊?

·1 分鐘文章
盧惠光
盧惠光

曾經喺泰拳界聲名大振嘅盧惠光當年被發掘,成為武打演員;雖然近年減產,但人緣甚廣,仍不時出席圈中好友飯局。繼分享與任達華、元彪、林國斌等聚會合照,日前盧惠光又再喺社交平台發佈與同樣係武打影星出身嘅演員朋友合照,包括林國斌、張雷、孟海、錢嘉樂等,寫道:「靚相有時唔使特登影!」

雖然大家都幾乎淡出演藝圈,而且除咗錢嘉樂之外,其餘武打影星都已年過60,但依然精神奕奕,充滿笑容,從照片中都可以感受到佢哋昔日互相支持奮鬥嘅一面。林國斌當年憑《破壞之王》「斷水流大師兄」一角深入民心,當中一幕對白「我唔係針對你,我係話在座咁多位,都係垃圾!」成為網絡常用語句;宜家已轉行金融業嘅佢就戴住價值約20萬名錶出席,睇嚟撈得唔錯;至於企喺錢嘉樂旁邊嘅孟海,當年與林正英拍住上,不過現已轉為動作指導、導演工作。而66歲「金輪法王」張雷則喺年初為香港動作特技演員公會拍攝網上短片,教授健身養生運動。

盧惠光與同樣係武打影星出身嘅演員朋友合照
盧惠光與同樣係武打影星出身嘅演員朋友合照
盧惠光與同樣係武打影星出身嘅演員朋友合照
盧惠光與同樣係武打影星出身嘅演員朋友合照
盧惠光
盧惠光
盧惠光
盧惠光

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能