【錢國偉病逝】工作關係緋聞無數 陳宛蔚陪伴度過低潮修成正果

·3 分鐘文章
【錢國偉病逝】工作關係緋聞無數 陳宛蔚陪伴度過低潮修成正果
【錢國偉病逝】工作關係緋聞無數 陳宛蔚陪伴度過低潮修成正果

金牌監製錢國偉(Wilson)因病逝世,終年58歲。太太陳宛蔚見記者,視丈夫為心中英雄,並一直相信Wilson會康復,所以無討論過遺願。

錢國偉生前創作過不少高收視節目,都找來美少女撐場吸引觀眾,自自然然會有緋聞隨身。但到最後,成為終身伴侶的,亦是其中一位緋聞女友。

【錢國偉病逝】工作關係緋聞無數 陳宛蔚陪伴度過低潮修成正果
【錢國偉病逝】工作關係緋聞無數 陳宛蔚陪伴度過低潮修成正果

錢國偉2007年監製《味分高下》時,搵到8位「味之天使」做助手,當中包括「梳打」賈曉晨以及「雜果賓治」陳宛蔚(Calinda),二人因此結緣。陳宛蔚2007年參加港姐入圍24強而入行,之前曾在英國著名的倫敦政治經濟學院就讀。

同錢國偉同作過嘅女藝人好容易傳出緋聞,陳宛蔚都唔例外,但外界一直以為Calinda只係錢國偉其中一位緋聞女友而已。Wilson後來喺專訪提到,2010年廉署調查無線高層涉貪案,佢都被帶走調查三十小時,獲准離開之後老友鄭伊健安排密封客貨車接佢到酒店,原來一班朋友已經喺預訂嘅酒店房開香檳慶祝佢獲釋,但未見陳宛蔚在場。

身為兄弟,鄭伊健心知Wilson最想見邊個,於是同佢講「『你個friend』仆到過嚟架啦,但係佢仆過嚟嗰陣拗柴……」,之後陳宛蔚真係一拐一拐到場,令錢國偉十分感動,而之前Calinda原來一直喺廉署外等消息。之後2個月Calinda陪伴Wilson度過人生低潮,知道對方可以交心,又讚賞女友最大好處係「等得」。

【錢國偉病逝】工作關係緋聞無數 陳宛蔚陪伴度過低潮修成正果
【錢國偉病逝】工作關係緋聞無數 陳宛蔚陪伴度過低潮修成正果

佢地拍拖6年,起初都低調處理,甚至錢國偉試過同記者講同陳宛蔚係普通朋友。2012年Wilson去新加坡拍節目《五覺大戰》,被傳媒影到同「神獸」之一白雲拖手兼一齊食雪糕,陳宛蔚發火鬧爆,而Wilson之後喺公開場合都唔再避忌拖實Calinda。

【錢國偉病逝】工作關係緋聞無數 陳宛蔚陪伴度過低潮修成正果
【錢國偉病逝】工作關係緋聞無數 陳宛蔚陪伴度過低潮修成正果
【錢國偉病逝】工作關係緋聞無數 陳宛蔚陪伴度過低潮修成正果
【錢國偉病逝】工作關係緋聞無數 陳宛蔚陪伴度過低潮修成正果
【錢國偉病逝】工作關係緋聞無數 陳宛蔚陪伴度過低潮修成正果
【錢國偉病逝】工作關係緋聞無數 陳宛蔚陪伴度過低潮修成正果

2015年錢國偉同陳宛蔚拉埋天窗,唔使問都知交遊廣闊嘅Wilson會搵齊一班星級老死組成兄弟團,而且婚禮賓客星光熠熠,有內地網媒形容「來賓陣容比黃曉明與Baby的婚宴更厲害」。

婚後錢國偉非常疼錫太太,盡量減少應酬之餘,更有報導提及Wilson喺台灣拍戲期間,喺百貨公司女裝鞋部同太太視像通話遙距shopping,好有耐性。婚後2年幾陳宛蔚就有BB,但係起初陀得唔舒服,試過三度見紅,Wilson盡量抽時間陪太太兼出入接送。2018年囡囡Abby出世,自問見慣大場面嘅Wilson都話幫囡囡剪臍帶時都緊張到手震!