鍾嘉欣被指人前人後兩個樣 網民列21位「大鼻」藝人

鍾嘉欣之外 網民列「乜咁大個鼻」藝人
鍾嘉欣之外 網民列「乜咁大個鼻」藝人

38歲嘅鍾嘉欣(Linda)早前喺加拿大被野生捕獲,有網民指佢人前人後兩個樣「平時電視上nice是裝的」,隨後越來越多自稱係佢街坊嘅網民力數佢多宗罪。近日有網民喺Facebook群組出PO表示:「呢個圈藝人,真係人前人後兩個人,有啲好好人,有啲真係乜咁大個鼻(意思:態度囂張)」,並列出佢接觸過邊位「冇架子」同邊位「乜咁大個鼻」嘅藝人。

呢位網民以不公開名嘅方式下列出21位「乜咁大個鼻」藝人,頭三位分別係「烈女」、「野花」及「命硬」,其他仲有「歡樂今宵」、「亞視副總裁」、「勁舞Dancing Queen」、「男人最痛」、「志明」、「剛尾E」及「越難越愛」等等,雖然該名網民冇解釋呢班藝人「大鼻」嘅原因,不過佢就寫到明「烈女」一定排第一,結果獲多位網民認同,並留言話「10幾年前同太太去四川影婚照,回港時喺當地候機室見到烈女,佢本身已經西口西面,之後有粉絲想同佢合照,佢話ok,但我之後聽到佢X助手:『有烏蠅嚟就幫我撥走佢啦』。」 、「烈女早就臭名遠播,劇本又唔熟,埋位前就乜都話得,一埋位就噏唔出,累全世界冇得收工。」及「N年前同烈女做個一次訪問咁大把,當時book咗間靚餐廳喺落場時間做訪問,結果佢遲咗到仲一嚟到就傾咗半個鐘頭電話先埋位,當然佢同經理人公司同事係當無事發生過一樣。」等等。之後,仲有網民力數其他「大鼻」藝人,例如「我記得我以前做Sales遇過木偶怡,佢真係好冇禮貌同好臭串,果(嗰)時佢仲要係二線姐仔,我到而家都好憎佢!重點佢個鼻堅大。」

至於「冇架子」藝人方面,該網民就列出40位,而任達華就係第一,唔少網民都紛紛留言表示認同,其他「冇架子」藝人仲有劉德華、鄭伊健、梁朝偉、汪明荃、容祖兒及黃耀明等等。

鍾嘉欣
鍾嘉欣
被指「乜咁大個鼻」嘅藝人
被指「乜咁大個鼻」嘅藝人
被指「冇架子」嘅藝人
被指「冇架子」嘅藝人

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!