鍾培生上載100萬現金挑機林作上擂台 林作仍在考慮中

近日30歲嘅「百億富三代」兼「香港電競之父」鍾培生公開招募女友，表示唔需要門當戶對，只希望對方正常，鍾培生又做KOL豪派100萬俾網民。咁啱林作早前曾表示今年要招募100人，亦會派100萬。林作見到鍾培生同自己一樣又係派100萬，林作留言：「抄我100萬？」鍾培生因此向林作宣戰開打，話對方打嬴就畀100萬，林作即上載幾張打拳嘅相回應「都未驚過！」但到噚晚深夜林作突然改口話眾籌70萬，只要有一萬人出錢就會同鍾培生打。之後又話唔得同對方開打。突然又同鍾培生講：「嗱，鍾培生先生，我諗過㗎喇，以下係我嘅答覆，我畀二百萬港紙你，你俾我打一鑊。」

鍾培生好似有啲嫌林作廢話多，即刻上載100萬現金問林作「點解做保險都可以咁冇誠信」，更挑機話「林作呢度100萬你簽左就係你嘅，我本身唔識你，你零誠信令我睇唔起你，唔該你唔好再抽我水，我唔想同你拉上任何關係，擂台面前人人平等，你要借我上位擂台見！我相信打得成，會係近年來香港人最開心嘅事！」

睇得出鍾培生心急想開戰，而林作喺接受傳媒查詢時，佢就話考慮中，因為鍾培生日日練，而佢就係業餘，冇練過。佢仲話依家有幾個練拳師傅話想幫佢，不過佢就未回覆佢哋。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！