雅虎香港新聞 鍾庭耀「香港民研」頭炮點七一人數 三條天橋計算、每小時發布
由鍾庭耀主理的香港民意研究中心（香港民研），今日正式開始獨立運作，脫離港大。香港民研的員工班底與前身香港大學民意研究中心的一樣，今年點算七一遊行人數，找來中學師生在遊行路線的三條天橋上點算，希望能盡量即時公布每個鐘的數字。
香港民研數據科學主管戴捷輝，此前在港大民研擔任高級數據分析師，將會主理七一遊行點算人數這個項目。他指，將會派人到銅鑼灣波斯富街天橋、灣仔修頓球場天橋、金鐘軍器廠街天橋，每條天橋派駐約10人「數背脊」。負責點算的隊員將為其中一條馬路進行點算。每名隊員將會每2分鐘連續點算經過某條路線的人數，點算完結同時把數字提交到負責計算即時參加者人數的隊員手上，以點算2分鐘、休息2分鐘的形式持續進行。
方法與此前港大民研進行略有不同，不同的是以往只會在軍器廠街天橋點人數，今次則有3個點算站，而且過往會在七一後進行電話調查，了解參與遊行的人們有否經過點算站，今次則不會有這個調查。
是次點人數是與中學師生合作，屆時由華英中學師生、荃灣聖芳濟中學師生及「一群熱心的老師」分別駐守3個點算站，他們會穿上寫有「HKPOP」字樣的背心。香港民研會盡快公布所得數字，戴捷輝估計，只會有一個鐘延時，即例如下午5時可以公布下午4時所得的數字。
不過，這裡指的是三個不同點算站所得的數字，並非總人數，「概念上來講，你當有3個數，係咪比往年更好呢？可能係的，因為往年就只係集中在軍器廠街天橋。今年既然有多些學校參與，不只係我們自己技術支援，可以多啲點算站，有唔同數字。但我們相信，只要方法嚴謹同科學化，幾個數字差別不應太大。」
戴捷輝續指，項目不會在7月1日結束，稍後的日子可能會到學校辦講座。「你知6月考試，未必安排到同學出席，佢（學校）都好開心有咁樣的計劃，約定我可能在嚟緊9月，新學年開始了之後，安排一啲周會的時間，去他們學校教導（點算人數的）方法。」
鍾庭耀表示，香港民研會公開點算方法，讓有興趣的人士／機構了解、學習，但表明香港民研以後並不會自資做七一人數點算。鍾庭耀又指：「過去嚟講，大家都明白，過咗咁耐我都開始明白，警方而家一般用的單位就係最多人的時段在某一個領域有幾多人，技術上面可能係一個好清晰的界定：在呢一秒鐘可能街度有咁多人。下一秒鐘可能不同了。」不過，他亦都提到民陣沒有公開點算方法，所以希望各方都公開方法。
鍾庭耀續憶述：「0371的時候，我哋預先講了我哋會點（人數）。嗰陣時係一群學者去點人數，所以學者群未噏個數嘅時候，主辦機構同警方都無噏佢個數，即係想等獨立啲嘅專家講咗之後先講，唔好差太遠。」
「不過可惜0371我哋講話行完夜晚就出，但當時一群學者包括我在內，經驗唔夠，裡面太多變數，我們點唔切。我們當時好聰明，以為用錄影，大家錄完之後拎番上去逐個頭點吓，發覺原來係唔得，多到點唔到。去到夜晚，押到好後都係公布唔到數字，所以唯有第二日先公布。咁主辦機構就要講喇，佢就講個數，佢講完差人又要講。所以我哋嘅數係第二日講，話50萬，其實係30幾萬，乘了個數（adjustment factor），就係50萬。」
觀看原文： 按此連結
