鍾晴畀「小豬比」融化

陳展鵬與老婆單文柔的女兒「小豬比」快將2歲,日前母女檔拍廣告,似乎向BB界KOL發展。單文柔好友鍾晴亦對「小豬比」非常疼愛,她於社交網晒出合照及短片,見小豬比用萌爆「奶音」跟她對話,又不時望實鏡頭,非常可愛。鍾晴留言:「我畀小豬比融化了,得意到呢!你可以將個女擺低畀我幾日……你放吓假先,我湊佢得o架啦!」對方即不捨愛女,嚇到寫錯字:「我驚你為(餵)唔飽我個女!」又公開呷醋指囡囡「阿媽都冇埋」!