鍾舒漫勝訴 陳潔玲無禮攝位做訪問

鍾氏姊妹受訪期間,陳潔玲(左三)突然行近並騎劫訪問。
鍾氏姊妹受訪期間,陳潔玲(左三)突然行近並騎劫訪問。

歌手鍾舒漫與前港姐陳潔玲去年爆生意糾紛,前者入稟追討逾4萬元。案件昨日在西九龍法院大樓的小額錢債審裁處進行裁決,陳潔玲被判敗訴,需向鍾舒漫賠償43,560元及訟費1,183元。庭上鍾舒漫投訴對方於8月3日在法庭內偷拍她,惟陳潔玲否認。

鍾舒漫在庭外受訪時,陳潔玲突然強行攝位要求一同做訪問,鍾舒漫妹妹鍾舒祺代為拒絕:「唔使,你真係唔受歡迎,你咁做好冇禮貌。」惟未獲理會,鍾氏姊妹無奈走開。騎劫訪問的陳潔玲被指摘不懂排隊,她卻說:「哎吔,我想同佢哋一齊做訪問,佢哋又唔肯。」續指明白及尊重裁決,不會上訴:「過去一年大家互相傷害,到此為止,我當初同佢溝通唔好,令佢受到傷害,我願意道歉,我唔叻同人溝通,脾氣又唔好。」鍾舒漫其後指她行為戲劇性,令人覺得莫名其妙,但如果對方真心道歉,她會接受:「透過呢件無聊事,人生上咗一課,之後會小心啲。」