鍾舒漫姊妹 澳門隔離嗌好玩

·1 分鐘文章
鍾舒漫(右)與鍾舒祺難得今次可以拍住上。
鍾舒漫(右)與鍾舒祺難得今次可以拍住上。

鍾舒漫(Sherman)跟妹妹鍾舒祺(Sukie)日前應澳門歌手陳慧敏邀請到當地做騷,所以成個農曆新年兩姊妹都在酒店隔離度過,Sherman說:「第一次隔離,大會安排得好好,畀咗間大房我哋,有埋跑步機,每日我哋有自己嘅節目,做運動、練歌同休息,亦好彩有阿妹陪,佢又有我陪,我哋玩得好開心,打邊爐又食燒肉。」

由於演出邀請來得較急趕,令她們要犧牲新年及情人節的慶祝安排,其中情人節更是Sukie的結婚周年紀念。Sherman說:「佢緊要啲,但最終都決定接,因為貪新鮮,而我哋兩個好耐冇一齊做騷,好珍惜呢30分鐘嘅表演。」Sukie則笑說:「老公知我去隔離做嘢,即刻拍枱話『好嘢,可以自由』。」她們計劃今年各自推出新歌,Sherman坦言工作上可能有新合作,希望成事。